44382

བསྒྱུར་བས་འདུལ་བ་ལ་དགོངས་པ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། གང་ལ་མཚོན་པས་འདུལ་བ་ལ་དགོངས་པའི་ཆོ་འཕྲུལ་གྱི་ནང་གསེས་ཤིག་སྟེ། གདུལ་བྱ་ལ་སྣང་བའི་ལྷ་རིགས་ཐ་དད་ཀྱི་སྐུ་མདོག་གང་ལ་མོས་པ་ལྟར་བསྒྱུར་བའི་ཕྱིར་བསྒྱུར་བས་འདུལ་བ་ལ་དགོངས་པ་ཞེས་བྱ། དེའི་དོན་ནི་མདོ་དགོངས་པ་འདུས་པ་ལས། ལང་ཀའི་བདག་པོ་བསྒྱུར་བས་འདུལ་བ་ལ་དགོངས་པ་ནི་འདི་ལྟ་སྟེ། བཻཌཱུརྱ་ལྟ་བུ་དང༌། ཀང་ཀ་རི་ལྟ་བུ་དང༌། ལེ་བརྒན་ལྟ་བུ་དང༌། གསེར་སྦྱངས་ལྟ་བུ་དང༌། སྣ་ཚོགས་ལྟ་བུའོ། །ཞེས་པ་ལྟར་གཟི་ལྡན་འཆར་ཁའི་འོད་སྣང་ལས། རིགས་གང་ལ་མོས་པ་ལྟར་སྣང་བས་སོ་སོར་བསྒྱུར་བས་འདུལ་བ་ལ་དགོངས་པ་ནི། འདི་ལྟ༷་སྟེ། རྡོ་རྗེའི་རིགས་བཻ་ཌཱུརྱ་ལྟ་བུ་རྐྱེན་གྱིས་མི་འགྱུར་བས་མཐིང་ག་དང༌། དེ་བཞིན་གཤེགས་པའི་རིགས་ཀང་ཀ་རི་ལྟ་བུ་དྲི་མས་མ་བསླད་པས་དཀར་པོ་དང། པདྨའི་རིགས་ལེ་བརྒན་ལྟ་བུ་ཆགས་པ་མེད་པས་དམར་བ་དང༌། རིན་པོ་ཆེའི་རིགས་གསེར་སྦྱངས་པ་ལྟ་བུ་ཡེ་ཤེས་རྒྱས་པས་སེར་པོ་དང༌། ལས་ཀྱི་རིགས་སྣ༷་ཚོགས་པ་ལྟ་བུ་ཕྲིན་ལས་ཅིར་ཡང་མཛད་པས་ལྗང་གུའོ། །དེའང་རིགས་ལྔ་དང་ཡེ་ཤེས་ལྔ་དང་ཁ་དོག་ལྔ་དང་སྐུ་གསུང་ཐུགས་ཡོན་ཏན་ཕྲིན་ལས་ལྔ་ལ་སྦྱར་བའི་ཚུལ་ནི་རྒྱུད་ཀུན་ན་གསལ་ལ། དེ་ལྟར་སྐུ་མདོག་ལ་རང་བཞིན་བཞི་དང་རིགས་ལྔ་སྟེ་ཡན་ལག་དགུ་བཤད་པའོ། །ཞེས་གསུངས།
Domain	ཆོས་ལུགས།