44448

བསྒྲུབ་བྱ་གྲངས་ངེས་ (1)

Part of speech	མིང་ཚིག
Definition	མདོ། འདུལ་བ། དགེ་སློང་བསྙེན་པར་རྫོགས་བྱེད་རྣམས་ཀྱིས་ལས་གཅིག་གིས་བསྒྲུབ་བྱ་བཞི་མཚམས་ནང་གཅིག་ཏུ་དུས་གཅིག་ཏུ་བསྙེན་པར་རྫོགས་པར་མི་བྱ་སྟེ། བཞི་ནི་ཚོགས་སུ་ལོངས་པ་ཡིན་ལ། ཚོགས་སུ་ལོངས་པ་དག་ལ་ནི་ཚོགས་ཉིད་ཀྱི་ལས་ནི་གང་དུའང་ཅུང་ཟད་ཀྱང་གསུངས་པ་མེད་པས་སོ། །ཉེ་བར་འཁོར་གྱིས་བྲན་ཅན་དང་། སྐྱོང་བ་གཉིས་དུས་གཅིག་ལ་རྫོགས་པར་བྱ་བའི་ཕྱིར། སྟོན་པ་ལ་གཉིས་དུས་གཅིག་རྫོགས་པ་རུང་ལགས་སམ་ཞེས་ཞུས་པས། གཉིས་སམ་གསུམ་པོ་དག་ཀྱང་རུང་ལ། བཞི་མི་རུང་སྟེ། ཚོགས་ཀྱིས་ཚོགས་ཀྱི་ལས་མི་བྱ་བ་དང་། གཅིག་གིས་གཅིག་ལ་ཕྱག་མི་བྱ་བ་དང་། རྙེད་པ་སྔར་འོངས་བས་བླང་ངོ་ཞེས་གསུངས་སོ། །མཚམས་ནང་གཅིག་མ་ཡིན་ན་ལས་གཅིག་གིས་བཞི་དུས་གཅིག་ཏུ་བསྙེན་པར་རྫོགས་པ་ཡོད་དེ། ལས་བྱེད་པ་མཚམས་སུ་གནས་ན་ཕ་རོལ་ངོས་སུ་བསྒྲུབ་བྱ་གཉིས་བཞག ཚུ་རོལ་ངོས་སུ་བསྒྲུབ་བྱ་གཉིས་བཞག་ནའོ་ཞེས་ཞུ་བར་རོ། །འདི་ལ་ནི་བར་དུ་ཐག་པ་བཏང་ནས་སོ་སོར་བཅད་དགོས་སོ། །ཞེས་ཀུན་མཁྱེན་རོང་སྟོན་གྱི་འདུལ་ཕྲེང་རྣམ་འགྲེལ་ལས་སོ། །
Domain	ཆོས་ལུགས།