44491

བསྔགས་པ་ལ་སེར་སྣ་བྱེད་པའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་སྐྱེ་དགུའི་བདག་མོ་ནི་བསོད་ནམས་དང་ལྡན་པ་སངས་རྒྱས་ཀྱི་ཡུམ་ཡིན་ཞེས་གཞན་རྣམས་ཀྱིས་བརྗོད་པ་ན། སྦོམ་དགའ་མོས་སྨྲས་པ། དེ་ནི་མཁན་སློབ་མེད་པར་རང་ཞུགས་ཡིན་ནོ་ཞེས་སྨོད་པར་བྱེད་དོ། །ཨུཏྤ་ལའི་མདོག་འདི་རྫུ་འཕྲུལ་ཅན་རྣམས་ཀྱི་མཆོག་ཏུ་ལུང་བསྟན་པ་ཡིན་ནོ་ཞེས་བརྗོད་པ་ན་དེ་ནི་སྔོན་སྨད་འཚོང་མ་ཡིན་ནོ་ཞེས་སྨོད་པར་བྱེད། གོའུ་ཏ་མ་སྐེམ་མོ་འདི་འདུལ་འཛིན་མ་རྣམས་ཀྱི་མཆོག་ཏུ་ལུང་བསྟན་པ་ཡིན་ནོ་ཞེས་བརྗོད་པ་ན། དེས་ནི་བུའི་ཤ་ཟོས་པ་ཡིན་ནོ་ཞེས་སྨོད་པར་བྱེད་པ་ལས་སོ། །དགག་བྱ་ནི་རང་རིགས་ལ་གནོད་པ་དང་རང་བཞིན་གྱིས་དགག་བྱར་འགྱུར་བའོ། །དགེ་སློང་མ་གཞན་གྱི་ཡོན་ཏན་བསྔགས་པ་བརྗོད་པ་ལ་དགེ་སློང་མས་ལུས་སམ་ངག་གིས་སེར་སྣ་བྱེད་པ་ལ་ལྟུང་བྱེད་དུ་འགྱུར་གྱི། ཊཱིཀ་ལས་ཡིད་ཙམ་གྱིས་སེར་སྣ་བྱེད་པ་ནི་བསྡམ་པར་བྱ་བ་ཉིད་ཡིན་ཏེ་ཉེས་བྱས་སོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། །དགེ་སློང་མ་གཞན་གྱི་བསྔགས་པ་བརྗོད་པ་ན་ལུས་ངག་གི་རྣམ་འགྱུར་མི་མཐུན་པར་སྟོན་པ་ནི། བསྔགས་པ་ལ་སེར་སྣ་བྱེད་པའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།