44502

བསྔོ་བ་ (1)

Part of speech	མིང་ཚིག
Definition	སྔོ་བའི་མ་འོངས་པའི་བྱ་མིང་།

བསྔོ་བ་ (2)

Part of speech	མིང་ཚིག
Definition	མདོ། ཡོངས་སུ་བསྒྱུར་བའམ། ཡོངས་སུ་སྤེལ་བ་ལ་འཇུག་པ་འཁོར་བའི་རྒྱུར་གྱུར་བའི་དགེ་རྩ་རྣམས་བྱང་ཆུབ་ཆེན་པོའི་རྒྱུར་བསྒྱུར་བའམ། འཛད་པར་འགྱུར་བའི་དགེ་རྩ་རྣམས་མི་ཟད་པར་སྤེལ་བའི་དོན་ཡིན་ལ། རང་གཞན་གྱི་རྒྱུད་ཀྱི་དུས་གསུམ་དུ་བསགས་པའི་ཟག་བཅས་ཟག་མེད་ཀྱི་དགེ་ཚོགས་མཐའ་དག་བླ་ན་མེད་པའི་བྱང་ཆུབ་ཀྱི་རྒྱུར་བསྒྱུར་སྤེལ་བྱེད་པའི་འདུན་པ་མཚུངས་ལྡན་དང་བཅས་པའོ། །
Domain	ཆོས་ལུགས།

བསྔོ་བ་ (3)

Part of speech

མིང་ཚིག

Definition

བསྔོ་བའི་ངོ་བོ་ནི། དགེ་བའི་རྩ་བ་འབྲས་བུ་ཁྱད་པར་ཅན་གྱི་རྒྱུར་ཡོངས་སུ་བསྒྱུར་བར་བྱེད་པའི་འདུན་པ་མཚུངས་ལྡན་དང་བཅས་པའོ། །དབྱེ་བ་ནི། མངོན་མཐོ་དང་ངེས་ལེགས་ཀྱི་དབྱེ་བས་གཉིས་སུ་འགྱུར་རོ། །ངེས་ལེགས་ཀྱང་བྱང་ཆུབ་གསུམ་གྱི་དབྱེ་བས་གསུམ་མོ། །བསྔོ་རྒྱུ་ནི། དུས་གསུམ་གྱིས་བསྡུས་པའི་དགེ་བའོ། །གཞན་དག་ཆོས་ཉིད་བསྔོ་རྒྱུའི་དགེ་བར་འདོད་པས་ནི་མ་བརྟགས་པ་སྟེ། ཕྱི་རོལ་གྱི་བེམ་པོ་དང་། དམྱལ་བ་ལ་སོགས་པ་དང་། མཚམས་མེད་ཀྱི་ལས་ཀྱང་བསྔོ་རྒྱུའི་དགེ་བ་དང་ལྡན་པར་ཐལ་བའི་ཕྱིར་རོ། །གལ་ཏེ་དོན་དམ་པའི་དགེ་བར་གསུངས་པའི་ཕྱིར་སྙམ་ན། ཀུན་གཞི་ལ་ཡོད་པའི་དགེ་བའི་ས་བོན་ཡང་དགེ་བར་འགྱུར་ཏེ། རྗེས་སུ་འབྲེལ་པའི་དགེ་བར་གསུངས་པའི་ཕྱིར་རོ། །འདོད་ན་ཀུན་གཞི་ལུང་མ་བསྟན་མིན་པར་འགྱུར་བ་དང་། དོན་དམ་པར་མི་དགེ་བའི་ས་བོན་ཡང་མི་དགེ་བར་འགྱུར་ཏེ། རྒྱུ་མཚན་མཚུངས་པས་སོ། །འདོད་ན་ཁམས་གོང་མར་མི་དགེ་བ་ཡོད་པར་འགྱུར་བས་ཧ་ཅང་ཐལ་ལོ། །བསྔོ་ཚུལ་ནི། མི་དམིགས་པའི་རྣམ་པས་བསྔོའོ། །ཞེས་ཀུན་མཁྱེན་རོང་སྟོན་ཆེན་པོའི་རྣམ་བཤད་ཚིག་དོན་རབ་གསལ་ལས་སོ། །