44708

བསྟན་པ་སྤྱི་འགྲེལ་གྱི་རྣམ་བཤད་དགོངས་པ་རྣམ་གསལ་ཡིད་ཀྱི་མུན་སེལ་ (1)

Part of speech

མིང་ཚིག

Definition

མདོ་སྔགས་སྤྱིའི་ལྟ་འགྲེལ་སྐོར། ཀུན་མཁྱེན་དོལ་བོ་པས་མཛད་པའི་བསྟན་པ་སྤྱི་འགྲེལ་ཚིགས་བཅད་མ་དེའི་དགོངས་འགྲེལ་ཞིག་སྟེ། གཞུང་མཚན་རྒྱས་པ་ནི། བསྟན་པ་སྤྱི་འགྲེལ་གྱི་འགྲེལ་གྱི་རྣམ་བཤད་དགོངས་པ་རྣམ་གསལ་ཡིད་ཀྱི་མུན་སེལ། མཛད་པ་པོ་ནི་ཇོ་ནང་ཉ་དབོན་ཀུན་དགའ་དཔལ་བ། བརྗོད་བྱ་ནི་གཞུང་དེའི་དབུར། འདིར་གང་བཤད་བྱའི་བསྟན་བཅོས་ནི། སྡེ་སྣོད་གསུམ་དང་རྒྱུད་སྡེ་བཞིའི་དགོངས་པའི་དོན་བདེན་པ་གཉིས་དང་གཞི་ལམ་འབྲས་གསུམ་ཡང་དག་པའི་ལྟ་སྒོམ་སྤྱོད་འབྲས་སོགས་གསུང་རབ་ཀྱི་དོན་གྱི་གཙོ་བོ་གསལ་བར་སྟོན་པའི་བསྟན་བཅོས་སོ། །ཞེས་བྱུང་། རྗོད་བྱེད་གཞུང་ཚད་ལ་ལྡེབ་མ་ལྔ་བཅུ་ཙམ་བཞུགས། མཛད་པའི་ཡུལ་དང་དུས་ནི། གཞུང་དེར། འཇིག་རྟེན་བློས་བཏང་གི་བསམ་པ་དུ་མས་རྣམ་པར་བརྒྱན་ཞིང་མཁས་པའི་སྐྱེ་བོ་མང་དུ་འདུ་བའི་དབེན་གནས་ཆེན་པོ་ཇོ་ནང་དཔལ་གྱི་རི་ཁྲོད་ཆེན་པོར་ཆུ་མོ་བྱའི་ལོ་དབྱར་ཟླ་འབྲིང་པོའི་ཚེས་པ་བཅོ་ལྔ་ལ་རྫོགས་པར་སྦྱར་བའི་ཡི་གེ་པ་ནི་དུས་ཀྱི་འཁོར་ལོ་པ་ཨ་མོ་གྷ་དང་། ལུང་གི་སྟོན་པ་ཡོན་ཏན་རྡོ་རྗེའོ། །ཞེས་བྱུང་། རབ་བྱུང་དྲུག་པའི་ལོ་སྟེ་དགུང་ལོ་ཞེ་བདུན་པ་ཕྱི་ལོ་ ༡༣༣༣ ལོར་བརྩམས་སོ། །