44753

བསྟན་བཅོས་བརྩམས་པའི་དགོས་པ་ (1)

Part of speech	མིང་ཚིག
Definition	བརྩམས་པའི་དགོས་པ་ནི། གཏན་ལ་དབབ་པ་བསྡུ་བ་ལས། དོན་མང་མོས་འཇུག་ཉམས་པ་གསོ། །འཐོར་སྡུད་ཟབ་དགྲོལ་མཛེས་པ་བསྐྱེད། །ཅེས་དྲུག་གསུངས་པ་ལས། དོན་མང་བ་ནི་བསྟན་བཅོས་བརྩམས་པ་ལ་བརྟེན་ནས་ཡི་གེ་འབྲི་མཆོད་སྦྱིན་པ་ལ་སོགས་ཆོས་སྤྱོད་བཅུའི་མང་པོ་འབྱུང་བའོ། །མོས་འཇུག་ནི་དེ་ལ་བརྟེན་ནས་གདུལ་བྱ་མོས་པ་རྣམས་འཇུག་པའོ། །ཉམས་པ་གསོ་བ་ནི་བཀའ་གང་གི་དགོངས་འགྲེལ་དུ་བཤད་པ་ལས་གང་ཟག་གི་ཆ་རྐྱེན་ཉམས་པ་གསོ་བའོ། །འཐོར་བ་སྡུད་པ་ནི་བཀའ་གང་གི་དོན་དུ་བཤད་པ་ལས་བརྗོད་བྱའི་དོན་ཕྱོགས་གཅིག་ཏུ་བསྡུ་བར་འོས་པ་རྣམས་འཐོར་ནས་གནས་པ་ཕྱོགས་གཅིག་ཏུ་བསྡུ་བའོ། །ཟབ་མོ་དགྲོལ་བ་ནི། ཕ་དང་མ་ནི་གསད་བྱ་ཞིང་། །རྒྱལ་པོ་གཙང་སྦྲ་ཅན་གཉིས་དང་། །ཡུལ་འཁོར་འཁོར་དང་བཅས་བཅོམ་ན། །མི་དེ་དག་པ་ཉིད་དུ་འགྱུར། །ཞེས་པའི་དོན། ལས་དང་སྲེད་པ་སྤང་བྱ་ཞིང་། །སྦྱོར་བའི་རྣམ་ཤེས་མཆོག་འཛིན་གཉིས། །སྐྱེ་མཆེད་སྤྱོད་ཡུལ་བཅས་བཅོམ་ན། །མི་དེ་དག་པ་ཉིད་དུ་འགྱུར། །ཞེས་པར་འཆད་པ་ལྟ་བུའི་བཀའི་ནང་དུ་དོན་གཞན་དུ་བསྒྱུར་ནས་འཆད་དགོས་པ་རྣམས་བསྟན་བཅོས་ཀྱིས་ཀྱང་འཆད་པའོ། །དྲུག་པ་མཛེས་པ་བསྐྱེད་པ་ནི། བསྟན་བཅོས་སུ་སྙན་ངག་དང་ཚིག་རྒྱན་ལ་སོགས་པ་བཀོད་པས་ཚིག་དང་དོན་མཛེས་པར་འགྱུར་བའོ། །དེ་ལྟར་དྲུག་ལས་ཁ་ཅིག་བསྟན་བཅོས་འདི་ལ་དང་པོ་གསུམ་ཚང་བ་དང་། གཞན་དག་དྲུག་ཆར་ཚང་བར་བཞེད་ཀྱང་། ཉམས་པ་གསོ་བ་དང་། ཟབ་མོ་དགྲོལ་བ་གཉིས་ཚང་བར་དཀའ་ཞིང་། གཞན་བཞི་ཆར་ངེས་པར་ཚང་ངོ་ཞེས་ཀུན་མཁྱེན་གོ་རམས་པའི་ངོ་མཚར་གསུམ་ལྡན་ལས་སོ། །
Domain	ཆོས་ལུགས།