45082

བསྣོལ་མཚམས་འཕེན་སྡུད་ཀྱི་ཚིག་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། འདྲེན་པའི་ཡན་ལག་རྒྱུད་ཀྱི་བཤད་ཐབས་བཅུའི་ཡ་གྱལ་ཞིག་སྟེ། རྒྱུད་ཀྱི་གཞུང་འཆད་སྐབས་ཆོ་རོལ་སྣྲེལ་གཞིར་གྱུར་པ་བསྣོལ་མཚམས་འཕེན་སྡུད་ཀྱི་ཚིག་གིས་གོང་འོག་གི་འབྲེལ་བརྩི་ཞིང་འཁྲུགས་པ་སྡེབ་པ་དཔེ་ཐགས་དང་སེང་ཕྲུག་རྩལ་སྦྱོང་བ་ལྟར་བཤད་པ་ཉིད་ལ་འཇོག་པར་གསུངས་ལ། མུན་པའི་གོ་ཆ་ལས། བསྣོལ་མཚམས་འཕེན་སྡུད་ཀྱི་ཚིག་གིས་གོང་འོག་གི་འཁྲུགས་པ་བསྡེབས་པ་གང་ཞེ་ན། ཇི་ལྟར་སྣྲེལ་གཞི་འཆོལ་འཁྲུགས་པ། །ཞེས་པ་དཔེར་ན་ཐགས་ཀྱི་བཀད་གོང་འོག་ཏུ་དགོས་པ་འོག་དང་སྟེང་ནས་འཆོལ་བར་ལེན་པ་ལྟར། རྒྱུད་ཀྱི་ཚིག་ཚོམས་གོང་འོག་འཁྲུགས་པའི་བར་འཕེན་སྡུད་ཀྱི་ཚིག་གིས་གོ་རིམས་འཁྲུགས་པ་བསྡེབས་པ་ལ་ཉམས་སུ་བླང་ཞིང་གོ་བདེ་བར་བྱེད་པ་དང༌། ཡང་སེང་གེའི་མཆོངས་པ་སློབ་པའི་སྟོབས་མ་འདྲེས་པར་གཅིག་ནས་གཅིག་ཏུ་མཆོངས་པ་བཞིན། རྒྱུད་ཀྱི་ཚིག་ཚོམ་འཁྲུག་མ་ལ་བར་དག་བཞག་ཅིང་དེ་ཉིད་གོ་རིམ་དང་འདུག་ས་བསྒྱུར་ཏེ་གོང་འོག་མཐུན་པར་ཤེས་པས་གཅིག་ཏུ་བསྡེབས་པའོ། །ཞེས་གསུངས་སོ། །
Domain	ཆོས་ལུགས།