46238

བུད་མེད་ཀྱི་ཚོགས་རྣམས་ཇི་སྲིད་འཚོའི་བར་དུ་སློབ་པར་བྱེད་པའི་བླ་མའི་ཆོས་རྣམ་པ་བརྒྱད་ (1)

Part of speech	མིང་ཚིག
Definition	ཆོས་མངོན་པ་མཛོད་ཀྱི་འགྲེལ་བཤད་ཉེ་བར་མཁོ་བའི་མཛོད་གནས་བཞི་པ་ལས་བྱུང་བ་སྟེ། ༡ བུད་མེད་ཀྱི་ཚོགས་དག་གིས་རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་མའི་དངོས་པོ་དགེ་སློང་དག་ལས་བླང་བར་བྱ་སྟེ། འདི་ནི་བུད་མེད་ཀྱི་ཚོགས་ཡོངས་སུ་བསྲུང་བ་དང་ཡོངས་སུ་མི་འདའ་བར་བྱ་བ་དང་། གང་ལས་བུད་མེད་ཀྱི་ཚོགས་ཇི་སྲིད་འཚོའི་བར་དུ་སློབ་པར་བྱེད་པར་འགྱུར་བའི་བླ་མའི་ཆོས་དང་པོའོ། ། ༢ དགེ་སློང་མས་དགེ་སློང་མ་དག་ཟླ་བ་ཕྱེད་ཕྱེད་ཅིང་གདམས་ངག་དང་རྗེས་སུ་བསྟན་པས་བླང་བར་བྱ་བ་འདི་ནི་བུད་མེད་ཀྱི་ཚོགས་ཡོངས་སུ་སྲུང་བ་ལ་སོགས་པ་གཤམ་གྱི་ཚིག་གོང་བཞིན་སྦྱར་བ་བླ་མའི་ཆོས་བཅས་པ་གཉིས་པའོ། ། ༣ དགེ་སློང་མེད་པའི་གནས་སུ་དགེ་སློང་མ་དབྱར་གནས་པའི་ཕྱིར་ཆོས་བཅས་པ་གསུམ་པའོ། ། ༤ དབྱར་གནས་པའི་འོག་ཏུ་དགེ་སློང་མས་མཐོང་བ་དང་ཐོས་པ་དང་དྲན་པའི་གནས་རྣམ་པ་གསུམ་གྱིས་གཉི་གའི་དགེ་འདུན་ལ་དགག་དབྱེ་བྱ་བ་གཤམ་གྱི་ཚིག་གོང་བཞིན་སྦྱར་བ་བླ་མའི་ཆོས་བཅས་པ་བཞི་པའོ། ། ༥ དགེ་སློང་མས་དགེ་སློང་ལ་རྩོད་པར་མི་བྱ་བ་དང་། ཚུལ་ཁྲིམས་ཀྱི་སྐྱོན་དང་། ལྟ་བའི་སྐྱོན་དང་། དཔྱོད་པའི་སྐྱོན་དང་འཚོ་བའི་སྐྱོན་དྲན་པར་མི་བྱ་བ་དང་། དགེ་སློང་མས་དགེ་སློང་ལ་རྩོད་པ་དང་། ཚུལ་ཁྲིམས་ཀྱི་སྐྱོན་དང་། ལྟ་བའི་སྐྱོན་དང་། དཔྱོད་པའི་སྐྱོན་དང་། འཚོ་བའི་སྐྱོན་དྲན་པར་བྱེད་པ་ནི་དགག་པར་བྱ་དག་གོ །དགེ་སློང་གིས་དགེ་སློང་མ་ལ་རྩོད་པ་དང་ཚུལ་ཁྲིམས་ཀྱི་སྐྱོན་དང་ལྟ་བའི་སྐྱོན་དང་དཔྱོད་པའི་སྐྱོན་དང་འཚོ་བའི་སྐྱོན་དྲན་པར་མི་བྱེད་པ་ནི་དགག་པ་མ་ཡིན་པ་གཤམ་གྱི་ཚིག་གོང་བཞིན་སྦྱར་བ་བླ་མའི་ཆོས་བཅས་པ་ལྔ་པའོ། ། ༦ དགེ་སློང་ལ་དགེ་སློང་མས་ཁྲོ་བར་མི་བྱ་ཞིང་སྨྲ་བར་མི་བྱ་སྟེ། དགེ་སློང་ལ་དགེ་སློང་མས་རྩོད་ཅིང་ཁྲོ་ལ་སྨྲ་བར་བྱེད་པ་དགག་པ་གཤམ་གྱི་ཚིག་གོང་བཞིན་སྦྱར་བ་བླ་མའི་ཆོས་བཅས་པ་དྲུག་པའོ། ། ༧ དགེ་སློང་མ་བླ་མའི་ཆོས་ལས་འདས་ནས་ཟླ་བ་ཕྱེད་ཕྱེད་དུ་གཉི་གའི་དགེ་འདུན་མགུ་བ་སྤྱད་པར་བྱ་བ་གཤམ་གྱི་ཚིག་གོང་བཞིན་སྦྱར་བ་བླ་མའི་ཆོས་བཅས་པ་བདུན་པའོ། ། ༨ དགེ་སློང་མ་ལོ་བརྒྱ་ལོན་པས་ཀྱང་དེ་རིང་བསྙེན་པར་རྫོགས་པའི་དགེ་སློང་ལ་མངོན་པར་བརྗོད་ཅིང་ཕྱག་འཚལ་བ་དང་། སྟན་ལས་ལྡང་བ་དང་། འདུད་པའི་ལས་དག་བྱ་བ་གཤམ་གྱི་ཚིག་གོང་བཞིན་སྦྱར་བ་བླ་མའི་ཆོས་བཅས་སོ། །
Domain	ཆོས་ལུགས།