46938

བྱ་བ་ཐ་དད་པ་ལྷན་ཅིག་བརྗོད་པ་ (1)

Part of speech	མིང་ཚིག
Definition	ལྷན་ཅིག་བརྗོད་པའི་རྒྱན་གྱི་ནང་གསེས་གཉིས་པ་སྟེ། བརྗོད་འདོད་ཀྱི་དངོས་པོ་གང་ཡང་རུང་བ་ཞིག་གི་བྱ་བ་དང་། དེ་དང་མཚུངས་པའི་དངོས་པོ་ཞིག་གི་བྱ་བ་ཐ་དད་པ་དག་དུས་གཅིག་གམ་ལྷན་ཅིག་ཏུ་འབྱུང་བར་བརྗོད་པ་ལྟ་བུ་ཞིག་ལ་ཟེར།
Example	བོད་མཁས་པས། ཀྱེ་མ་འབྱུང་འཁྲུགས་ནད་ཀྱི་ཟུག་རྔུ་དང་། །ལྷན་ཅིག་རུས་ཚིགས་མདུད་པ་རྣམ་པར་རྒྱས། །ལུས་ཀྱི་ཉམས་བག་གཟི་མདངས་ཚོགས་རྣམས་དང་། །རྨོངས་པའི་གྲོགས་པོ་ཉིད་ནི་མཉམ་དུ་ཡལ། །ཞེས་པ་ལྟ་བུ།
Domain	རྩོམ་རིག