46962

བྱ་བ་མེད་པའི་རྣལ་འབྱོར་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་གསུངས་པའི་གཞི་རྒྱུ་འབྲས་བུའི་དོན་དུ་གྱུར་པའི་རྣལ་འབྱོར་རྣམ་པ་གསུམ་གྱི་ཡ་གྱལ་ཞིག་སྟེ། ཤེས་ཤིང་གྲུབ་པར་གྱུར་ཏེ་བྱ་བ་མེད་པར་འབྲས་བུ་གཉིས་སུ་མེད་པར་གྱུར་ཟིན་པས་ལྷུན་གྱིས་གྲུབ་པའི་རྣལ་འབྱོར་ཡིན་ཕྱིར་བྱ་བ་མེད་པའི་རྣལ་འབྱོར་ཞེས་བྱ། ཁོག་དབུབ་ཉི་སྣང་ལས། སེམས་པས་གཞན་དུ་འབྲས་བུ་ཚོལ་བའི་བྱ་བ་དང་བྲལ་བས་འབྲས་བུ་ལམ་དུ་བྱེད་པ་ཐབས་ཆེན་གསང་སྔགས་ཀྱི་ཐེག་པའོ། །ཞེས་དང་། མདོ་འགྲེལ་མུན་པའི་གོ་ཆ་ལས། བྱ་བ་མེད་པའི་རྣལ་འབྱོར་ནི། གསང་སྔགས་འབྲས་བུའི་ཐེག་པའི་ལམ་དང་འབྲས་བུ་སྟེ། རྒྱལ་བ་ཡང་དག་པར་རྫོགས་པའི་སངས་རྒྱས། བྱ་བ་བྱས་པ། ཟག་པ་ཟད་པ། ཁུར་བོར་པ། བདག་གི་དོན་རྗེས་སུ་ཐོབ་ཟིན་པ་དང༌། གཞན་གྱི་བྱ་བ་ཐམས་ཅད་མ་བཙལ་བར་རྫོགས་པར་བྱེད་པ་དང༌། དེ་ཉིད་ལའང་རྒྱུན་གྱི་དུས་བྲལ་བ། གང་བྱ་བ་ཐམས་ཅད་ཟིན་པའི་ཡེ་ཤེས་ཆེན་པོ་མཚན་ཉིད་གང་དུའང་མི་ཕྱེད་པས། མཚན་ངེས་པར་ལྡན་པ་ནི། སྐུ་གསུང་ཐུགས་ཡོན་ཏན་ཕྲིན་ལས་ལྔར་འདུས་པ་སྟེ། མཚན་ཉིད་ནི་འདི་འདྲར་བསྟན་དཀའ་བར་སྟོན་པའོ། །ཞེས་གསུངས། འདི་ལ་བྱ་བྲལ་འབྲས་བུའི་རྣལ་འབྱོར་ཞེས་ཀྱང་བྱ།
Domain	ཆོས་ལུགས།