46977

བྱ་བཏང་པད་དཀར་བཀྲ་ཤིས་ (1)

Part of speech

མིང་ཚིག

Definition

ཁོང་ནི། ཞབས་དྲུང་གི་བརྒྱུད་འཛིན་སློབ་མ་བཞིའི་ཡ་གྱལ་ཡིན། བོད་དཔལ་སྣང་ཤོད་དུ་འཁྲུངས། དགུང་ལོ་བཅུ་གཉིས་ནས་མཁས་གྲུབ་ལྷ་དབང་བློ་གྲོས་ཀྱི་རིམ་གྲོ་པ་མཛད་ནས། ཡོངས་འཛིན་ལྕགས་རིའི་གདན་སར་ཕེབས་དུས་ཕྱག་ཕྱིར་བྱོན། ཡོངས་འཛིན་དང་ཞབས་དྲུང་གཉིས་ཀའི་གསོལ་གཡོག་ཀྱང་མཛད་ནས་དབང་ཁྲིད་གདམས་པ་རྫོགས་པར་གསན། ཡོངས་འཛིན་དགོངས་པ་རྫོགས་རྗེས་སྐྱབས་མགོན་ཞབས་དྲུང་གིས་སྤུངས་ཐང་གདན་ས་བཏབ་པའི་སྐབས་ཙམ་ན་སྒྲུབ་པའི་དམ་བཅའ་ཕུལ་ཏེ། ཐོག་མར་ཙ་རི། ལྷོ་བྲག་མཁར་ཆུ། འབྲོག་ལུང་ནག་གི་ལྷ་ལྡིང་བྲག་ཏུ་སྒྲུབ་པ་ལ་ཡུན་རིང་བཞུགས། བར་དུ་ཆོས་རྒྱལ་མི་འགྱུར་གྱི་བཀས་མངགས་ཏེ་བུམ་ཐང་ཆོས་བྲག་གི་འདྲེན་པར་བྱོན་ནས་འགྲོ་དོན་བསྐྱངས། ཐ་མར་བསེ་ལ་རྣམ་རྒྱལ་རྩེར་སྔས་སྤངས་ཏེ་ཚེ་མཚམས་ལ་བཞུགས་པས། སྣང་སྲིད་སྐུ་གསུམ་དུ་རྟོགས་ཏེ་སྒོམ་པའི་རྒྱལ་ས་ཟིན། སློབ་མ་ཀོམ་འཕྲང་ཡེ་ཤེས་དངོས་གྲུབ་དང༌། ཆོས་རྗེ་གཅུང་པད་དཀར་ལ་སོགས་པ་གྲུབ་པའི་སྐྱེས་མཆོག་མང་དུ་བྱོན་པའོ། །