47223

བྱང་ཆུབ་ཀྱི་རིགས་ཅན་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པའི་ལེའུ་དང་པོ་ལས་འཁོར་ལྔ་ཕྲག་བཅུ་གསུམ་དུ་དྲངས་པའི་ནང་གསེས་ཤིག་སྟེ། དེ་ནི་ལམ་ལྔ་ལས་ཚོགས་ལམ་འདུན་པ་སེམས་པའི་རྣལ་འབྱོར་ལ་གནས་པ་ཡིན། མདོ་འགྲེལ་མུན་པའི་གོ་ཆ་ལས། འདུན་པ་བྱེད་པས་བརྒྱུད་ནས་འཁོར་བ་ལས་ངེས་པར་འབྱུང་བ་པའི་བློ་དང་ལྡན་པའི་ཕྱིར་ཚོགས་དང༌། ཞེས་དང་། ཡང་། གཟི་ལྡན་འཆར་ཁའི་འོད་སྣང་ལས། འདུན་པར་བྱེད་པས་བརྒྱུད་ནས་ངེས་པར་འབྱུང་བ་དང་ལྡན་པས་བྱང་ཆུབ་ཀྱི་རིགས་ཅན་དག་གོ །འདི་རྣམས་ཚོགས་ལམ་འདུན་པ་སེམས་པའི་རྣལ་འབྱོར་ལ་གནས་པའོ། །ཞེས་གསུངས།
Domain	ཆོས་ལུགས།