47235

བྱང་ཆུབ་ཀྱི་སེམས་ཀྱི་རྐྱེན་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། འདི་ལྟར་སེམས་ཅན་གྱི་ཁམས་ཡོངས་སུ་སྨིན་པར་བྱ་བ། རྣམ་པར་གདུལ་བར་བྱ་བའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་རྣམ་པར་བཟློག་པའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སེམས་ཅན་ཐམས་ཅད་ལ་བདེ་བའི་ཡོ་བྱད་ཀྱིས་སྡུད་པའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སེམས་ཅན་ཐམས་ཅད་ཀྱི་མི་ཤེས་པ་བསལ་བའི་རྐྱེན་བྱང་ཆུབ་ཀྱི་སེམས་ཀྱི་རྐྱེན་ཏོ། །སེམས་ཅན་ཐམས་ཅད་ལ་སངས་རྒྱས་ཀྱི་ཡེ་ཤེས་ཉེ་བར་བསྒྲུབ་པའི་བྱང་ཆུབ་ཀྱི་སེམས་ཀྱི་རྐྱེན་ཏོ། །སངས་རྒྱས་ཐམས་ཅད་མཆོད་ཅིང་རིམ་གྲོ་བྱ་བའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །དེ་བཞིན་གཤེགས་པ་ཐམས་ཅད་མཉེས་པར་བྱ་བའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སངས་རྒྱས་ཐམས་ཅད་ཀྱི་སྐུ་གཟུགས་དང༌། མཚན་དང༌། དཔེ་བྱད་བཟང་པོ་ཡོངས་སུ་བསྟན་པའི་རྐྱེན་ནི་བྱང་ཆུབ་ཀྱི་རྐྱེན་ཏོ། །སངས་རྒྱས་ཐམས་ཅད་ཀྱི་ཡེ་ཤེས་ལ་འཇུག་ཅིག་ཁོང་དུ་ཆུད་པར་བྱ་བའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སངས་རྒྱས་ཀྱི་སྟོབས་དང༌། མི་བསྙེངས་པ་ཐམས་ཅད་ཡོངས་སུ་བསྟན་པའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ནོ། །
Domain	ཆོས་ལུགས།