47310

བྱང་ཆུབ་ཕྱོགས་མཐུན་གྱི་སྒྲ་བཤད་ (1)

Part of speech	མིང་ཚིག
Definition	ཅིའི་ཕྱིར་དེ་དག་ལ་བྱང་ཆུབ་ཀྱི་ཕྱོགས་དང་མཐུན་པ་ཞེས་བྱ་ཞེ་ན། སྒྲིབ་པ་ཟད་པ་དང་ཕྱིན་ཆད་ཀྱང་མི་སྐྱེ་བ་ཤེས་པ་ནི་བྱང་ཆུབ་ཅེས་བྱ་སྟེ། སྒྲིབ་པ་ཟད་ཅིང་བྱང་བའི་ཕྱིར་དང་། ཟད་ཅིང་མི་སྐྱེ་བར་ཆུབ་ཅིང་རྟོགས་པའི་ཕྱིར་རོ། །དེ་ལ་ཟད་ཤེས་ཀྱིས་ནི་བདག་གིས་སྡུག་བསྔལ་ཤེས་སོ་ཞེས་པ་ནས་བདག་གིས་ལམ་བསྒོམས་སོ་ཞེས་པའི་བར་དུ་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ་ཞེས་བྱ་བར་རང་གི་དོན་བྱས་པ་ཡང་དག་པ་ཇི་ལྟ་བ་བཞིན་རྟོགས་པའི་ཕྱིར་བྱང་ཆུབ་ཡིན་ལ། མི་སྐྱེ་བ་ཤེས་པས་ནི་བདག་གིས་སྡུག་བསྔལ་ཡོངས་སུ་ཤེས་ཏེ་ཡང་ཡོངས་སུ་ཤེས་པར་བྱར་མེད་དོ་ཞེས་པ་ནས་བདག་གིས་ལམ་བསྒོམས་ཏེ་ཡང་སྒོམ་དུ་མེད་དོ་ཞེས་པའི་བར་དུ་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ་ཞེས་བྱ་བར་ཡང་བྱར་མེད་པ་ཉིད་ཡང་དག་པ་ཇི་ལྟ་བ་བཞིན་རྟོགས་པའི་ཕྱིར་བྱང་ཆུབ་ཡིན་ནོ། །དེ་ལྟ་བུའི་བྱང་ཆུབ་ནི་ཉན་ཐོས་ལ་སོགས་པའི་བྱེ་བྲག་གིས་གསུམ་ཡིན་ནོ། །བྱང་ཆུབ་དེ་དང་དངོས་དང་བརྒྱུད་པའི་སྒོ་ནས་རྗེས་སུ་མཐུན་པའི་རྒྱུ་ཉིད་ཡིན་པའི་ཕྱིར་མདོ་ལས་དྲན་པ་ཉེར་གཞག་བཞི་ལ་སོགས་པ་སུམ་ཅུ་རྩ་བདུན་པོ་ལ་བྱང་ཆུབ་དེའི་ཕྱོགས་དང་མཐུན་པ་ཞེས་འབྱུང་ངོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།