47355

བྱང་ཆུབ་སེམས་དཔའ་ཀུན་ཏུ་ཤེས་རབ་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་བཏོན་པའི་དྲི་བ་ཉིས་བརྒྱ་གཅིག་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་སྟེ། ༡ བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྒྱུ་མཐུན་པ་ནི་གང༌། ༢ ངོ་མཚར་གྱི་འདུ་ཤེས་གང༌། ༣ སྤྱོད་པ་ནི་གང༌། ༤ དགེ་བའི་བཤེས་གཉེན་ནི་གང༌། ༥ བརྩོན་འགྲུས་རྩོམ་པ་ནི་གང༌། ༦ དབུགས་ཕྱིན་པ་ཐོབ་པ་ནི་གང༌། ༧ སེམས་ཅན་ཡོངས་སུ་སྨིན་པར་བྱ་བ་ནི་གང༌། ༨ ཚུལ་ཁྲིམས་ནི་གང༌། ༩ ལུང་བསྟན་པ་ནི་གང༌། ༡༠ བྱང་ཆུབ་སེམས་དཔའ་ལ་འཇུག་པ་ནི་གང༌། ༡༡ དེ་བཞིན་གཤེགས་པ་ལ་འཇུག་པ་ནི་གང༌། ༡༢ སེམས་ཅན་རྣམས་ཀྱི་བསམ་པ་དང༌། སྤྱོད་པ་ལ་འཇུག་པ་ནི་གང༌། ༡༣ འཇིག་རྟེན་གྱི་ཁམས་ལ་འཇུག་པ་ནི་གང༌། ༡༤ བསྐལ་པ་ལ་འཇུག་པ་ནི་གང༌། ༡༥ དུས་གསུམ་བསྟན་པ་ནི་གང༌། ༡༦ དུས་གསུམ་ལ་འཇུག་པ་ནི་གང༌། ༡༧ མི་སྐྱོ་ཞིང་ཡོངས་སུ་སྒྱིད་ལུག་པ་མེད་པའི་སེམས་བསྐྱེད་པ་ནི་གང༌། ༡༨ ཀུན་ཏུ་དབྱེ་བའི་ཡེ་ཤེས་ནི་གང༌། ༡༩ གཟུངས་ནི་གང༌། ༢༠ བྱང་ཆུབ་སེམས་དཔའ་སངས་རྒྱས་བསྟན་པའི་རྗེས་སུ་རྟོགས་པར་བྱ་བ་ནི་གང༌། ༢༡ ཀུན་ཏུ་བཟང་པོའི་སེམས་བསྐྱེད་པ་ནི་གང༌། ༢༢ ཀུན་ཏུ་བཟང་པོའི་སྤྱོད་པའི་ཆོས་ནི་གང༌། ༢༣ སྙིང་རྗེ་ཆེན་པོ་རབ་ཏུ་ཐོབ་པ་ནི་གང༌། ༢༤ རྐྱེན་གང་གིས་བྱང་ཆུབ་ཏུ་སེམས་བསྐྱེད་པའི་བྱང་ཆུབ་ཀྱི་སེམས་ཀྱི་རྐྱེན་ནི་གང༌། ༢༥ དགེ་བའི་བཤེས་གཉེན་ལ་གུས་པའི་སེམས་ནི་གང༌། ༢༦ ཡོངས་སུ་དག་པ་ནི་གང༌། ༢༧ ཕ་རོལ་ཏུ་ཕྱིན་པ་ནི་གང༌། ༢༨ ཤེས་པ་ཁོང་དུ་ཆུད་པར་བྱ་བ་ནི་གང༌། ༢༩ རབ་ཏུ་རྟོགས་པ་ནི་གང༌། ༣༠ བྱང་ཆུབ་སེམས་དཔའ་རྣམས་ཀྱི་སྟོབས་ཀྱི་ཤུགས་ནི་གང༌། ༣༡ མཉམ་པ་ཉིད་ནི་གང༌། ༣༢ སངས་རྒྱས་ཀྱི་ཆོས་ཀྱི་ཚུལ་གྱི་ལམ་ནི་གང༌། ༣༣ ཆོས་བསྟན་པ་ནི་གང༌། ༣༤ ཡོངས་སུ་བཟུང་བ་ནི་གང༌། ༣༥ སྤོབས་པ་ནི་གང༌། ༣༦ དབང་གང༌། ༣༧ མི་གནས་པ་ནི་གང༌། ༣༨ སེམས་མཉམ་པ་ཉིད་ནི་གང༌། ༣༩ ཡེ་ཤེས་མངོན་པར་བསྒྲུབ་པ་ནི་གང༌། ༤༠ བྱང་ཆུབ་སེམས་དཔའ་རྣམས་ཀྱི་སྤྲུལ་པ་ནི་གང༌། ༤༡ བྱིན་གྱི་རླབས་ནི་གང༌། ༤༢ དབུགས་ཕྱིན་པ་ན་ཆེན་པོ་རབ་ཏུ་ཐོབ་པ་ནི་གང༌། ༤༣ སངས་རྒྱས་ཀྱི་ཆོས་ཟབ་མོ་ལ་འཇུག་པ་ནི་གང༌། ༤༤ གནས་སུ་བྱ་བ་ནི་གང༌། ༤༥ སེམས་བསྐྱེད་པ་བསྟན་པ་ནི་གང༌། ༤༦ ནེམ་ནུར་ཐམས་ཅད་གཅོད་པའི་སེམས་བསྐྱེད་པ་ནི་གང༌། ༤༧ བསམ་གྱིས་མི་ཁྱབ་པ་ནི་གང༌། ༤༨ དགོངས་ཏེ་བཤད་པ་ལ་མཁས་པ་ནི་གང༌། ༤༩ ཡེ་ཤེས་རྣམ་པར་དབྱེ་བ་ལ་མཁས་པ་ནི་གང༌། ༥༠ བྱང་ཆུབ་སེམས་དཔའ་རྣམས་ཀྱི་སྙོམས་པར་འཇུག་པ་ནི་གང༌། ༥༡ རིལ་པོ་ནི་གང༌། ༥༢ རྣམ་པར་ཐར་པ་ནི་གང༌། ༥༣ མངོན་པར་ཤེས་པ་ནི་གང༌། ༥༤ རིག་པ་ནི་གང༌། ༥༥ རྣམ་པར་གྲོལ་བ་ནི་གང༌། ༥༦ སྐྱེད་མོས་ཚལ་ནི་གང༌། ༥༧ གཞལ་མེད་ཁང་ནི་གང༌། ༥༨ དགའ་བ་ནི་གང༌། ༥༩ རྒྱན་ནི་གང༌། ༦༠ བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པའི་མི་སྒུལ་བ་ནི་གང༌། ༦༡ ལྷག་པའི་བསམ་པ་ཡོངས་སུ་མི་གཏོང་བ་ལ་གནས་པ་ནི་གང༌། ༦༢ ཡེ་ཤེས་ཀྱི་རྣམ་པར་བལྟ་བ་ནི་གང༌། ༦༣ ཆོས་ཤིན་ཏུ་བསྟན་པ་ནི་གང༌། ༦༤ ཡོངས་སུ་དག་པ་ནི་གང༌། ༦༥ ཕྱག་རྒྱ་ནི་གང༌། ༦༦ ཡེ་ཤེས་སྣང་བ་ནི་གང༌། ༦༧ བྱང་ཆུབ་སེམས་དཔའི་གནས་མཚུངས་པ་མེད་པ་ནི་གང༌། ༦༨ སངས་རྒྱས་ཀྱི་བྱང་ཆུབ་ཏུ་ཞུམ་པ་མེད་པའི་སེམས་བསྐྱེད་པ་ནི་གང༌། ༦༩ ལྷག་པའི་བསམ་པ་རི་བོ་ལྟ་བུ་ནི་གང༌། ༧༠ བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་ནི་གང༌། ༧༡ བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་ནི་གང་། ༧༢ ཐེག་པ་ཆེན་པོའི་གོ་ཆ་རྡོ་རྗེ་ལྟ་བུའི་སེམས་བསྐྱེད་པ་ནི་གང༌། ༧༣ རྩོམ་པ་ཆེན་པོ་ནི་གང༌། ༧༤ བརྩམས་པ་ཆེན་པོ་མཐར་ཕྱིན་པར་བྱ་བ་ནི་གང༌། ༧༥ དད་པ་མི་ཕྱེད་པ་ནི་གང༌། ༧༦ ལུང་བསྟན་པ་ནི་གང༌། ༧༧ དགེ་བའི་རྩ་བ་ཡོངས་སུ་བསྔོ་བ་ནི་གང༌། ༧༨ ཡེ་ཤེས་ཁོང་དུ་ཆུད་པ་ནི་གང༌། ༧༩ སེམས་བསྐྱེད་པ་རྒྱ་ཆེན་པོ་མཐའ་དང་དབུས་མེད་པ་ནི་གང༌། ༨༠ བྱང་ཆུབ་སེམས་དཔའ་རྣམས་ཀྱི་གཏེར་ནི་གང༌། ༨༡ སྡོམ་པ་ནི་གང༌། ༨༢ དབང་ནི་གང༌། ༨༣ རྣམ་པར་འཕྲུལ་བ་ནི་གང༌། ༨༤ སེམས་ཅན་ལ་རྣམ་པར་འཕྲུལ་བ་ནི་གང༌། ༨༥ ཞིང་རྣམ་པར་འཕྲུལ་བ་ནི་གང༌། ༨༦ ཆོས་ལ་རྣམ་པར་འཕྲུལ་བ་ནི་གང༌། ༨༧ ལུས་ལ་རྣམ་པར་འཕྲུལ་བ་ནི་གང༌། ༨༨ སྨོན་ལམ་ལ་རྣམ་པར་འཕྲུལ་བ་ནི་གང༌། ༨༩ སྤྱོད་ཡུལ་ལ་རྣམ་པར་འཕྲུལ་བ་ནི་གང༌། ༩༠ བྱང་ཆུབ་སེམས་དཔའ་རྣམས་ཀྱི་ཡེ་ཤེས་ལ་རྣམ་པར་འཕྲུལ་བ་ནི་གང༌། ༩༡ མངོན་པར་ཤེས་པ་ལ་རྣམ་པར་འཕྲུལ་བ་ནི་གང༌། ༩༢ རྫུ་འཕྲུལ་ལ་རྣམ་པར་འཕྲུལ་བ་ནི་གང༌། ༩༣ སྟོབས་ལ་རྣམ་པར་འཕྲུལ་བ་ནི་གང༌། ༩༤ རྣམ་པར་རྩེ་བ་ནི་གང༌། ༩༥ ཁྱུ་མཆོག་གི་མཐུ་ཕྱུང་བ་ནི་གང༌། ༩༦ སྟོབས་ནི་གང༌། ༩༧ མི་འཇིགས་པ་ནི་གང༌། ༩༨ བྱང་ཆུབ་སེམས་དཔའི་མ་འདྲེས་པའི་ཆོས་ནི་གང༌། ༩༩ ལས་ནི་གང༌། ༡༠༠ ལུས་ནི་གང༌། ༡༠༡ བྱང་ཆུབ་སེམས་དཔའ་རྣམས་ཀྱི་ལུས་ཀྱི་ལས་ནི་གང༌། ༡༠༢ རང་བཞིན་ནི་གང༌། ༡༠༣ ངག་ནི་གང༌། ༡༠༤ ངག་ཡོངས་སུ་དག་པ་ནི་གང༌། ༡༠༥ ཡོངས་སུ་འཛིན་པ་ནི་གང༌། ༡༠༦ གང་གིས་ཤིན་ཏུ་བཟུང་ཞིང་བྱང་ཆུབ་སེམས་དཔའི་ངག་འབྱུང་བར་འགྱུར། བྱང་ཆུབ་སེམས་དཔའི་ངག་གིས་ནི་ངག་གི་ལས་གང་ཞིག་འགྲུབ་པར་འགྱུར། ༡༠༧ སེམས་ནི་གང༌། ༡༠༨ སེམས་བསྐྱེད་པ་ནི་གང༌། ༡༠༩ སེམས་ཀྱིས་རྒྱས་པར་དགང་བ་ནི་གང༌། ༡༡༠ བྱང་ཆུབ་སེམས་དཔའ་རྣམས་ཀྱི་དབང་པོ་ནི་གང༌། ༡༡༡ བསམ་པ་ནི་གང༌། ༡༡༢ ལྷག་པའི་བསམ་པ་ནི་གང༌། ༡༡༣ སྦྱོར་བ་ནི་གང༌། ༡༡༤ མོས་པ་ནི་གང༌། ༡༡༥ འཇིག་རྟེན་གྱི་ཁམས་སུ་མོས་པ་ལ་འཇུག་པ་ནི་གང༌། ༡༡༦ སེམས་ཅན་གྱི་ཁམས་སུ་མོས་པ་ལ་འཇུག་པ་ནི་གང༌། ༡༡༧ བག་ཆགས་ནི་གང༌། ༡༡༨ ཉེ་བར་ལེན་པ་ནི་གང༌། ༡༡༩ ནན་ཏན་ནི་གང༌། ༡༢༠ བྱང་ཆུབ་སེམས་དཔའ་རྣམས་ཀྱི་འགྲུབ་པ་ནི་གང༌། ༡༢༡ སངས་རྒྱས་ཀྱི་ཆོས་ལས་འགོལ་བའི་ལམ་ནི་གང༌། ༡༢༢ སྐྱོན་མེད་པ་ནི་གང༌། ༡༢༣ བྱང་ཆུབ་སེམས་དཔའི་ཆོས་ངེས་པ་འཐོབ་པ་ནི་གང༌། ༡༢༤ སངས་རྒྱས་ཀྱི་ཆོས་འབྱུང་བའི་ལམ་ནི་གང༌། ༡༢༥ སྐྱེས་བུ་དམ་པའི་མིང་ཐོབ་པ་ནི་གང༌། ༡༢༦ ལམ་ནི་གང༌། ༡༢༧ ལམ་ཚད་མེད་པ་ནི་གང༌། ༡༢༨ ལམ་གྱི་ཚོགས་ནི་གང༌། ༡༢༩ ལམ་སྒོམ་པ་ནི་གང༌། ༡༣༠ བྱང་ཆུབ་སེམས་དཔའ་རྣམས་ཀྱི་ལམ་གྱི་རྒྱན་ནི་གང༌། ༡༣༡ རྐང་པ་ནི་གང༌། ༡༣༢ ལག་པ་ནི་གང༌། ༡༣༣ ལྟོ་ནི་གང༌། ༡༣༤ སྙིང་པོ་ནི་གང༌། ༡༣༥ སྙིང་ནི་གང༌། ༡༣༦ གོ་ཆ་ནི་གང༌། ༡༣༧ མཚོན་ཆ་ནི་གང༌། ༡༣༨ མགོ་ནི་གང༌། ༡༣༩ མིག་ནི་གང༌། ༡༤༠ རྣ་བ་ནི་གང༌། ༡༤༡ སྣ་ནི་གང༌། ༡༤༢ ལྕེ་ནི་གང༌། ༡༤༣ ལུས་ནི་གང༌། ༡༤༤ ཡིད་རྣམ་པར་རྒྱུ་བ་ནི་གང༌། ༡༤༥ འགྲོ་བ་ནི་གང༌། ༡༤༦ གནས་པ་ནི་གང༌། ༡༤༧ སྟན་ལ་འདུག་པ་ནི་གང༌། ༡༤༨ ལམ་ནི་གང༌། ༡༤༩ རྣམ་པར་སྤྱོད་པ་ནི་གང༌། ༡༥༠ སྤྱོད་ཡུལ་ནི་གང༌། ༡༥༡ ལྟ་བ་ནི་གང༌། ༡༥༢ རྣམ་པར་ལྟ་བ་ནི་གང༌། ༡༥༣ རྣམ་པར་བསྒྱིངས་པ་ནི་གང༌། ༡༥༤ སེངྒེའི་ང་རོ་ནི་གང༌། ༡༥༥ སྦྱིན་པ་ཡོངས་སུ་དག་པ་ནི་གང༌། ༡༥༦ ཚུལ་ཁྲིམས་ཡོངས་སུ་དག་པ་ནི་གང༌། ༡༥༧ བཟོད་པ་ཡོངས་སུ་དག་པ་ནི་གང༌། ༡༥༨ བརྩོན་འགྲུས་ཡོངས་སུ་དག་པ་ནི་གང༌། ༡༥༩ བསམ་གཏན་ཡོངས་སུ་དག་པ་ནི་གང༌། ༡༦༠ བྱང་ཆུབ་སེམས་དཔའ་རྣམས་ཀྱི་ཤེས་རབ་ཡོངས་སུ་དག་པ་གང༌། ༡༦༡ བྱམས་པ་ཡོངས་སུ་དག་པ་གང༌། ༡༦༢ སྙིང་རྗེ་ཡོངས་སུ་དག་པ་གང༌། ༡༦༣ དགའ་བ་ཡོངས་སུ་དག་པ་གང༌། ༡༦༤ བཏང་སྙོམས་ཡོངས་སུ་དག་པ་གང༌། ༡༦༥ དོན་ནི་གང༌། ༡༦༦ ཆོས་ནི་གང༌། ༡༦༧ བསོད་ནམས་ཀྱི་ཚོགས་ནི་གང༌། ༡༦༨ ཡེ་ཤེས་ཀྱི་ཚོགས་ནི་གང༌། ༡༦༩ རིག་པ་སྐྱེ་བ་ནི་གང༌། ༡༧༠ བྱང་ཆུབ་སེམས་དཔའ་རྣམས་ཀྱི་ཆོས་ཡོངས་སུ་ཚོལ་བ་ནི་གང༌། ༡༧༡ ཆོས་རབ་ཏུ་བརྗོད་པ་ནི་གང༌། ༡༧༢ ཆོས་ཀྱི་ནན་ཏན་ནི་གང༌། ༡༧༣ བདུད་ནི་གང༌། ༡༧༤ བདུད་ཀྱི་ལས་ནི་གང་། ༡༧༥ བདུད་ཀྱི་ལས་བཟློག་པ་ནི་གང༌། ༡༧༦ སངས་རྒྱས་མཐོང་བར་བྱ་བ་ནི་གང༌། ༡༧༧ སངས་རྒྱས་ཀྱི་འཕྲིན་ལས་ནི་གང༌། ༡༧༨ ང་རྒྱལ་གྱི་ལས་ནི་གང༌། ༡༧༩ ཡེ་ཤེས་ཀྱི་ལས་ནི་གང༌། ༡༨༠ བདུད་ཀྱི་བྱིན་གྱི་རླབས་ནི་གང༌། ༡༨༡ སངས་རྒྱས་ཀྱི་བྱིན་གྱི་རླབས་ནི་གང༌། ༡༨༢ ཆོས་ཀྱི་བྱིན་གྱི་རླབས་ནི་གང༌། ༡༨༣ དགའ་ལྡན་ན་གནས་པ་ནི་གང༌། ༡༨༤ དགའ་ལྡན་གྱི་གནས་ནས་འཆི་འཕོ་སྟོན་པ་ནི་གང༌། ༡༨༥ མངལ་ན་གནས་པར་སྟོན་པ་ནི་གང༌། ༡༨༦ ཤིན་ཏུ་ཕྲ་བའི་རྒྱུད་སྟོན་པ་ནི་གང༌། ༡༨༧ ཆེར་སྐྱེ་བ་ནི་གང༌། ༡༨༨ གད་མོ་ཆེར་སྐྱེ་བ་ནི་གང༌། ༡༨༩ གོམ་པས་རྣམ་པར་གནོན་པ་ནི་གང༌། ༡༩༠ གཞོན་ནུའི་ས་ཀུན་ཏུ་སྟོན་པ་ནི་གང༌། ༡༩༡ བཙུན་མོའི་འཁོར་ཉེ་བར་སྟོན་པ་ནི་གང༌། ༡༩༢ མངོན་པར་འབྱུང་བ་ནི་གང༌། ༡༩༣ དཀའ་བ་སྤྱོད་པའི་སྦྱོར་བ་ནི་གང༌། ༡༩༤ སྙིང་པོ་བྱང་ཆུབ་ཏུ་འགྲོ་བ་ནི་གང༌། ༡༩༥ སྙིང་པོ་བྱང་ཆུབ་ལ་འདུག་པ་ནི་གང༌། ༡༩༦ སྙིང་པོ་བྱང་ཆུབ་ལ་འདུག་པ་རྣམས་ཀྱི་ངོ་མཚར་རྨད་དུ་བྱུང་བའི་ཆོས་ནི་གང༌། ༡༩༧ བདུད་འདུལ་བ་སྟོན་པ་ནི་གང༌། ༡༩༨ དེ་བཞིན་གཤེགས་པའི་སྟོབས་མངོན་པར་རྫོགས་པར་བྱང་ཆུབ་པ་ནི་གང༌། ༡༩༩ ཆོས་ཀྱི་འཁོར་ལོ་རབ་ཏུ་བསྐོར་བ་ནི་གང༌། ༢༠༠ ཆོས་ཀྱི་འཁོར་ལོ་རབ་ཏུ་བསྐོར་བའི་ཆོས་དཀར་པོའི་རྣམ་པ་ནི་གང༌། ༢༠༡ དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡོངས་སུ་མྱ་ངན་ལས་འདའ་ཆེན་པོ་བསྟན་པ་ནི་གང་བཅས་སོ། །
Domain	ཆོས་ལུགས།

{{#arraymap:བྱང་ཆུབ་སེམས་དཔའ་ཀུན་ཏུ་ཤེས་རབ་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་བཏོན་པའི་དྲི་བ་ཉིས་བརྒྱ་གཅིག་

|; |@@@ | | }}