47363

བྱང་ཆུབ་སེམས་དཔའ་ཁྱིམ་པ་ཆོས་གསུམ་དང་ལྡན་ན་རྒྱལ་རིགས་དང་བསྐལ་བ་མཉམ་པར་འགྱུར་བ་གསུམ་ (1)

Part of speech	མིང་ཚིག
Definition	དཀོན་བརྩེགས་སྡོམ་གསུམ་བསྟན་པའི་མདོ་ལས་བྱུང་བ་སྟེ། ༡ བྱང་ཆུབ་སེམས་དཔའི་ཁྱིམ་པས་སྔོན་མ་མཐོང་བའི་དགེ་སྦྱོང་དང་བྲམ་ཟེ་དག་མཐོང་ན། འདི་དག་ནི་སྦྱིན་གནས་སོ། །འདི་དག་ནི་མཆོད་པར་འོས་སོ། །འདི་དག་ནི་ཕྱག་བྱ་བར་འོས་སོ། །འདི་དག་ནི་བསོད་ནམས་ཀྱི་ཞིང་ངོ་ཞེས་དགའ་བ་བསྐྱེད་དེ་དེ་དགའ་བར་གྱུར་པའི་སེམས་ཀྱིས་གོས་དང། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་ཀྱིས་མགྲོན་དུ་གཉེར་ཏེ། ཆོས་དང་པོ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང་བསྐལ་བ་མཉམ་པར་སྐྱེ་བར་འགྱུར་རོ། ། ༢ གཞན་ཡང་བྱང་ཆུབ་སེམས་དཔའ་ཁྱིམ་པ་ཡི་དམ་སྙིང་པོ་ཅན་ལ་གནས་པ་ཡིན་ཏེ། དེ་ཡི་དམ་སྙིང་པོ་ཅན་ལ་གནས་པས། ཇི་སྐད་སྨྲས་པ་བཞིན་བྱེད་ཅིང་། བརྫུན་དུ་མི་སྨྲ་བ་ཡིན་ཏེ། ཆོས་གཉིས་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང་བསྐལ་བ་མཉམ་པར་སྐྱེ་བར་འགྱུར་རོ། ། ༣ གཞན་ཡང་བྱང་ཆུབ་སེམས་དཔའ་དགེ་སྦྱོང་དང་བྲམ་ཟེའི་ཚུལ་ཁྲིམས་དང་ལྡན་པ་དེ་དག་ལ་བསྙེན་བཀུར་བྱས་ནས་སྙིང་པོ་ལེན་ཏེ། ཆོས་གསུམ་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང་བསྐལ་བ་མཉམ་པར་སྐྱེ་བར་འགྱུར་རོ། །
Domain	ཆོས་ལུགས།