47397

བྱང་ཆུབ་སེམས་དཔའ་ཆོས་བརྗོད་པའི་ཆོས་བཅུ་ (1)

Part of speech	མིང་ཚིག
Definition	འཕགས་པ་དཀོན་མཆོག་སྤྲིན་ཞེས་བྱ་བའི་མདོ་ལས་བྱུང་བ་སྟེ། སངས་རྒྱས་ཀྱི་ཆོས་ཡང་དག་པར་བསྒྲུབ་པའི་ཕྱིར་ཆོས་སྟོན་ཀྱང་སངས་རྒྱས་ཀྱི་ཆོས་རྣམས་དང་། ཡང་དག་པར་སྒྲུབ་པའང་མི་དམིགས་སོ། །ཕ་རོལ་ཏུ་ཕྱིན་པ་ཡང་དག་པར་བསྒྲུབ་པའི་ཕྱིར་ཆོས་སྟོན་ཀྱང་ཕ་རོལ་ཏུ་ཕྱིན་པ་ཡང་དག་པར་སྒྲུབ་པའང་མི་དམིགས་སོ། །བྱང་ཆུབ་སེམས་དཔའ་ཡང་དག་པར་བསྒྲུབ་པའི་ཕྱིར་ཆོས་སྟོན་ཀྱང་བྱང་ཆུབ་ཡང་དག་པར་སྒྲུབ་པའང་མི་དམིགས་སོ། །ཉོན་མོངས་པ་སྤོང་བའི་ཕྱིར་ཆོས་སྟོན་ཀྱང་ཉོན་མོངས་པ་སྤང་བའང་མི་དམིགས་སོ། །སྐྱོ་བ་དང་འདོད་ཆགས་དང་བྲལ་བ་དང་འགོག་པའི་ཕྱིར་ཆོས་སྟོན་ཀྱང་སྐྱོ་བ་དང་། འདོད་ཆགས་དང་བྲལ་བ་དང་། འགོག་པའང་མི་དམིགས་སོ། །རྒྱུན་དུ་ཞུགས་པ་དང། ལན་གཅིག་ཕྱིར་འོང་བ་དང་། ཕྱིར་མི་འོང་བའི་འབྲས་བུའང་མི་དམིགས་སོ། །ལན་གཅིག་ཕྱིར་འོང་བ་དང་། ཕྱིར་མི་འོང་བའང་མི་དམིགས། ཕྱིར་མི་འོང་བའི་འབྲས་བུའང་མི་དམིགས་སོ། །དགྲ་བཅོམ་པའི་འབྲས་བུ་ཐོབ་པར་བྱ་བའི་ཕྱིར་ཆོས་སྟོན་ཀྱང་དགྲ་བཅོམ་པ་དང་། དགྲ་བཅོམ་པའི་འབྲས་བུའང་མི་དམིགས་སོ། །རང་སངས་རྒྱས་ཀྱི་འབྲས་བུ་ཐོབ་པར་བྱ་བའི་ཕྱིར་ཆོས་སྟོན་ཀྱང་རང་སངས་རྒྱས་དང་། རང་སངས་རྒྱས་ཀྱི་འབྲས་བུའང་མི་དམིགས་སོ། །བདག་ཏུ་འཛིན་པ་ལ་མངོན་པར་ཞེན་པ་སྤང་བའི་ཕྱིར་ཆོས་སྟོན་ཀྱང་བདག་ཏུ་འཛིན་པའང་མི་དམིགས་སོ། །ལས་ཀྱི་རྣམ་པར་སྨིན་པའང་འཇོག་མོད་ཀྱི། ལས་དང་ལས་ཀྱི་རྣམ་པར་སྨིན་པའང་མི་དམིགས་སོ། །
Domain	ཆོས་ལུགས།