47398

བྱང་ཆུབ་སེམས་དཔའ་ཉི་མ་དང་འདྲ་བའི་ཆོས་བཅུ་ (1)

Part of speech	མིང་ཚིག
Definition	འཕགས་པ་དཀོན་མཆོག་སྤྲིན་ཞེས་བའི་མདོ་ལས་བྱུང་བ་སྟེ།
Example	ཉི་མ་ཤར་ན་ཛམྦུའི་གླིང་གི་སེམས་ཅན་རྣམས་ལ་སྣང་བར་བྱེད་དོ། །དེ་བཞིན་དུ་བྱང་ཆུབ་སེམས་དཔའ་ཉི་མ་ཤར་ནའང་སེམས་ཅན་ཐམས་ཅད་ལ་ཡེ་ཤེས་ཀྱི་སྣང་བར་བྱེད་ཅིང་། གཏི་མུག་གི་མུན་པའི་རབ་རིབ་ཀྱིས་ཁེབས་པ་རྣམ་པར་སེལ་ཏོ། །དཔེར་ན། ཉི་མ་ཤར་ན་འོད་ཐམས་ཅད་ཀྱི་འོད་མེད་པར་བྱེད་ཀྱང་ཉི་མ་ནི། ངས་འོད་ཐམས་ཅད་ཀྱི་འོད་མི་སྣང་བར་བྱའོ་སྙམ་དུ་མི་སེམས་མོད་ཀྱི། འོན་ཀྱང་ཆོས་ཉིད་ཐོབ་པས་འོད་མེད་པར་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་ཉི་མ་ཤར་ནའང་མུ་སྟེགས་ཅན་ངན་པའི་འོད་དང་། མུ་སྟེགས་ཅན་ངན་པའི་ལུགས་ཐམས་ཅད་འོད་མེད་པར་འགྱུར་མོད་ཀྱི། བྱང་ཆུབ་སེམས་དཔའི་ཉི་མ་ནི། ངས་འདི་དག་འོད་མེད་པར་བྱའོ་སྙམ་དུ་མི་སེམས་མོད་ཀྱི། འོན་ཀྱང་ཆོས་ཉིད་ཐོབ་པས་འོད་མེད་པར་འགྱུར་རོ། །དཔེར་ན། ཉི་མ་ཤར་ན་ཛམྦུའི་གླིང་གི་མི་རྣམས་ལ་མཉམ་པ་དང་མི་མཉམ་པ་ལེགས་པར་སྟོན་ཏོ། །དེ་བཞིན་དུ་བྱང་ཆུབ་སེམས་དཔའ་ཉི་མ་ཤར་ནའང་སེམས་ཅན་ཐམས་ཅད་ལ་ཡེ་ཤེས་ཀྱི་སྣང་བས་མཉམ་པ་དང་མི་མཉམ་པ་ལེགས་པར་སྟོན་ཏོ། །མཉམ་པ་ཞེས་བྱ་བ་འདི་ནི། འཕགས་པའི་ལམ་གྱི་ཚིག་བླ་དྭགས་སོ། །མི་མཉམ་པ་ཞེས་བྱ་བ་འདི་ནི། ལམ་ངན་པའི་ཚིག་བླ་དྭགས་སོ། །དཔེར་ན། ཉི་མ་ཤར་ན་རྨོ་རྐོ་བའི་ལས་ཀྱི་མཐའ་ཐམས་ཅད་འབྱུང་ངོ་། །དེ་བཞིན་དུ་བྱང་ཆུབ་སེམས་དཔའ་ཉི་མ་ཤར་ནའང་དགེ་བའི་ཆོས་ལས་ཀྱི་མཐའ་ཐམས་ཅད་འབྱུང་ངོ་། །དཔེར་ན། ཉི་མ་ཤར་ན་སྐྱེ་བོ་དགེ་བ་ནི། དགའ་བར་འགྱུར་ལ། མི་སྲུན་པའི་རང་བཞིན་ཅན་དག་མི་དགའ་བར་འགྱུར་རོ། །དེ་བཞིན་དུ་བྱང་ཆུབ་སེམས་དཔའི་ཉི་མ་ཤར་ནའང་སྐྱེ་བོ་དགེ་བ་རྣམས་དང་། མཁས་པ་རྣམས་དང་། ཤེས་རབ་ཀྱི་རང་བཞིན་ཅན་རྣམས་ནི། དགའ་བར་འགྱུར་ལ། ལམ་ངན་པར་ཞུགས་པ་རྣམས་དང་། མི་སྲུན་པའི་རང་བཞིན་ཅན་རྣམས་དང་། མྱ་ངན་ལས་འདས་པ་ལས་ཕྱིར་ཕྱོགས་པ་རྣམས་ནི། མི་དགའ་བར་འགྱུར་ཏེ། དེ་ལྟར་ན། བྱང་ཆུབ་སེམས་དཔའ་རྣམས་མ་རིག་མུན་པ་སེལ་བ་ནས་སྐྱེ་བོ་དགེ་བ་ལ་དགའ་བའི་བར་དུ་ཡིན་ནོ། །
Domain	ཆོས་ལུགས།

{{#arraymap:བྱང་ཆུབ་སེམས་དཔའ་ཉི་མ་དང་འདྲ་བའི་ཆོས་བཅུ་

|; |@@@ | | }}