47431

བྱང་ཆུབ་སེམས་དཔའ་མངོན་པར་འཚང་རྒྱ་བའི་ཆོས་བཞི་ (1)

Part of speech	མིང་ཚིག
Definition	འཕགས་པ་སྤྱན་རས་གཟིགས་ཞེས་བྱ་བའི་མདོ་ལས་བྱུང་བ་སྟེ། ༡ འདི་ལ་བྱང་ཆུབ་སེམས་དཔའ་ནི་དགེ་བའི་ཆོས་ཡོངས་སུ་བཙལ་བ་ལ་ཡི་དམ་བརྟན་པ་ཡིན་ཏེ། དེ་ནི་དགེ་བའི་རྩ་བ་གང་ཅི་བསྐྱེད་ཀྱང་རུང་སྟེ། དེ་ལ་བརྟན་པོར་གནས་ཤིང་ཞུམ་པ་མེད་པའི་སེམས་དང་ལྡན་ལ་ཐེག་པ་ཆེན་པོ་ལ་ཤིན་ཏུ་བརྟན་ནོ། ། ༢ བྱང་ཆུབ་སེམས་དཔའ་ནི་ཚུལ་ཁྲིམས་ཀྱི་ཕུང་པོ་ཡོངས་སུ་དགེ་བ། འཕགས་པ་དང་། མཁས་པས་བསྔགས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱིས་ཡོངས་སུ་ཟིན་པ་དང་ལྡན་པ་ཡིན་ཏེ། དེས་ནི་བདག་ཉིད་ཚུལ་ཁྲིམས་ལ་གནས་པར་རིག་ནས་ཆོས་ཀྱི་དགའ་བ་ཉམས་སུ་མྱོང་ངོ་། ། ༣ བྱང་ཆུབ་སེམས་དཔའ་ནི་བྱམས་པས་གནས་པ་དང་། བསམ་གཏན་ལ་བསམ་གཏན་པ་དང་། མི་གནས་པའི་བསམ་གཏན་པ་ཡིན་ཏེ། བྱང་ཆུབ་སེམས་དཔའ་ཏིང་ངེ་འཛིན་ལ་གནས་པ་ཡིད་ལ་བྱེད་པ་དང་། སེམས་ཅན་ཐམས་ཅད་ལ་སྙོམས་པའི་སེམས་དང་ལྡན་པའི་བདེ་བར་གནས་ཅི་འདྲ་བ་དེ་ལྟ་བུའི་བདེ་བའི་རྣམ་པ་གཞན་མེད་དོ། ། ༤ བྱང་ཆུབ་སེམས་དཔའ་ནི་ཇི་ལྟ་བ་བཞིན་དུ་ཆོས་ལ་རྟོག་པ་ཡིན་ཏེ། དེ་ནི་འདི་ལྟར་ཇི་ལྟ་བ་བཞིན་དུ་ཡོངས་སུ་རྟོག་སྟེ། འདུ་བྱེད་ཀྱི་རྣམ་པ་འདི་དག་ཐམས་ཅད་ནི་སྟོང་པ་སྟེ། འདི་ལྟར་བདག་གམ། སེམས་ཅན་ནམ། སྲོག་གམ། གང་ཟག་གམ། ཡོངས་སུ་གཏོང་བ་གང་ཡིན་པའམ། ལེན་པ་གང་ཡིན་པའམ། བཟོད་པར་བྱ་བ་གང་ཡིན་པའམ། གང་ལ་བཟོད་པར་བྱ་བའམ། བཟོད་པར་བྱ་བ་གང་ཡིན་པའམ། རྩོམ་པ་གང་ཡིན་པའམ། གང་གི་ཕྱིར་རྩོམ་པའམ། རྩོམ་པ་གང་ཡིན་པའམ། གང་གི་ཕྱིར་རྩོམ་པའམ། བསམ་གཏན་བྱེད་པ་གང་ཡིན་པའམ། བསམ་གཏན་དུ་བྱ་བ་གང་ཡིན་པའམ། སྒོམ་པར་བྱེད་པ་གང་ཡིན་པའམ། བསྒོམ་པར་བྱ་བ་གང་ཡང་མེད་དོ་སྙམ་མོ། །དེ་དེ་ལྟར་ཇི་ལྟ་བ་བཞིན་དུ་རྟོག་པ་ན་འདུས་བྱས་ཀྱི་ཆོས་ཐམས་ཅད་རང་བཞིན་གྱིས་སྟོང་པར་རིག་ནས་དམིགས་པར་ལྟ་བ་གང་ལའང་མངོན་པར་ཞེན་པ་མེད་ལ་བདེ་བར་ཡང་གནས་པའོ། །
Domain	ཆོས་ལུགས།