47911

བྱམས་པ་ཚད་མེད་ (1)

Part of speech	མིང་ཚིག
Definition	མདོ། བཀྲས་ལྷུན་ཐོས་གླིང་ཡིག་ཆར། ཚད་མེད་གང་ཞིག སེམས་ཅན་རྣམས་བདེ་བ་དང་ལྡན་པར་འདོད་པས་རབ་ཏུ་ཕྱེ་བ། བྱམས་པ་ཚད་མེད་ཀྱི་མཚན་ཉིད།
Domain	ཆོས་ལུགས།

བྱམས་པ་ཚད་མེད་ (2)

Part of speech	མིང་ཚིག
Definition	བཀྲས་ལྷུན་དཀྱིལ་ཁང་ཡིག་ཆར། ཚད་མེད་བཞི་པོ་གང་རུང་ཡང་ཡིན། རང་གི་ཐུན་མོང་མ་ཡིན་པའི་བདག་རྐྱེན་དུ་གྱུར་པའི་བསམ་གཏན་གྱི་དངོས་གཞི་ལ་བརྟེན་ནས་བྱུང་ཞིང་རང་གི་དམིགས་པར་གྱུར་པའི་སེམས་ཅན་ཚད་མེད་པ་བདེ་བ་དང་ལྡན་པར་འདོད་པའི་རབ་ཏུ་ཕྱེ་བ་ཡང་ཡིན་པའི་གཞི་མཐུན་པར་གྱུར་པའི་སེམས་བྱུང་དུ་དམིགས་པ། བྱམས་པ་ཚད་མེེད་ཀྱི་མཚན་ཉིད།

བྱམས་པ་ཚད་མེད་ (3)

Part of speech

མིང་ཚིག

Definition

ཚད་མེད་བཞིའི་ཡ་གྱལ། དམིགས་པ་སེམས་ཅན་ཚད་མེད་པ་ལ་དམིགས་ནས་རྣམ་པ་བདེ་བ་རྒྱུ་འབྲས་གཉིས་དང་ལྡན་པར་བྱའོ་སྙམ་དུ་སེམས་པ་སྟེ། གནོད་སེམས་ཀྱི་གཉེན་པོ་ཡིན་པའི་ཕྱིར་ཞེ་སྡང་མེད་པའི་རང་བཞིན་ནོ། །འདིའི་དམིགས་པ་ནི་འདོད་པའི་ཁམས་ཀྱི་སེམས་ཅན་རྣམས་ཡིན་ཏེ། འདོད་པའི་སེམས་ཅན་ལ་དམིགས་པའི་གནོད་སེམས་ལ་སོགས་པའི་གཉེན་པོ་ཡིན་པའི་ཕྱིར་རོ། །བྱམས་པ་ཚད་མེད་འདི་མཉམ་གཞག་ཁོ་ན་ཡིན་པས་ས་ནི་བསམ་གཏན་དངོས་གཞི་ལྔ་དང་མི་ལྕོགས་མེད་ཀྱང་གསལ་བས་དངོས་གཞི་དང་འདྲ་བས་ས་དྲུག་ན་ཡོད་དོ། །ཁ་ཅིག་ནི་དངོས་གཞིའི་ས་པ་ཡིན་པས་མི་ལྕོགས་མེད་མ་གཏོགས་པའི་ས་ན་ཡོད་དོ་ཟེར། གཞན་དག་ནི་འདོད་པའི་ཁམས་དང་ཉེར་བསྡོགས་རྣམས་བསྣན་ནས་བཅུ་ན་ཡོད་དོ་ཞེས་ཟེར་ཏེ། མཉམ་པར་བཞག་པ་དང་མ་བཞག་པ་དང་། དངོས་གཞི་དང་སྦྱོར་བ་སྨྲོས་པའི་ཕྱིར་རོ། །ལུས་རྟེན་ནི་མི་དག་གི་ནང་དུ་སྐྱེད་ཀྱི། གཞན་དུ་ནི་མ་ཡིན་ཏེ། དེ་དག་བློ་མི་གསལ་བས་བསྐྱེད་པར་མི་ནུས་པའི་ཕྱིར།