47914

བྱམས་པ་འོད་ཟེར་ (1)

Part of speech

མིང་ཚིག

Definition

ཨ་རིག་དགེ་བཤེས་བྱམས་པ་དགེ་ལེགས་རྒྱལ་མཚན་ནམ། མིང་གཞན་རྒྱལ་མཚན་འོད་ཟེར་ཞེས་གསོལ་བ་དེའོ། །དེ་རབ་བྱུང་བཅུ་གཉིས་པའི་མེ་རྟ་ཕྱི་ལོ་ ༡༧༢༦ ལོར་འཁྲུངས། སྐུ་ན་ཆུང་དུས་རྒྱ་ལི་སྤྲུལ་སྐུ་བློ་བཟང་བསྟན་དར་གྱིས་བསྐྱངས། བཅུ་བདུན་པ་ལ་དབུས་ལ་བརྫངས། སེར་བྱེས་སུ་ལོ་བཅུ་གསུམ་གྱི་རིང་ཐུགས་གཉེར་མཛད། ཕུར་བུ་ལྕོག་ཏུ་ལོ་དྲུག་གི་རིང་རྗེ་ངག་དབང་བྱམས་པའི་དྲུང་ནས་ཟབ་ཆོས་གསན་པ་དང་སྒོམ་སྒྲུབ་མཛད། དགུང་ལོ་ཞེ་བཞི་པ་རབ་བྱུང་བཅུ་གསུམ་པའི་ས་གླང་ཕྱི་ལོ་ ༡༧༦༩ ལོར་རྭ་རྒྱ་དགོན་བཀྲ་ཤིས་ཀུན་བདེ་གླིང་བཏབ། སེར་བྱེས་ལྟར་གྱི་འཆད་ཉན་བཙུགས། རི་བོ་དན་ཏིག་ཏུ་མཚམས་ཁང་དང་ཇོ་ཁང་སོགས་བཞེངས་ཤིང་སྒོམ་སྒྲུབ་མཛད་པ་དང་དགོན་སྡེ་དར་བར་སྤེལ། རབ་བྱུང་བཅུ་གསུམ་པའི་ཆུ་ཕག་ཕྱི་ལོ་ ༡༨༠༣ ལོར་འདས།

{{#arraymap:བྱམས་པ་འོད་ཟེར་

|; |@@@ | | }}