47964

བྱམས་སྤྲུལ་གཉིས་པ་ཡེ་ཤེས་རྡོ་རྗེ་ (1)

Part of speech

མིང་ཚིག

Definition

ཁོང་ནི། དགོན་ཤར་རི་བ་ལང་ནང་དུ། རབ་བྱུང་བཅུ་གསུམ་པའི་མེ་གླང་ ༡༧༥༧ ལོར་འཁྲུངས། སྐུ་གོང་འོག་བར་དུ་མི་ལོ་ཉེར་ལྔ་ཙམ་སོང་ནས་གཞན་རྣམས་ཐེ་ཚོམ་དུ་གྱུར་པས། ཆོས་རྗེ་ངག་དབང་ཕྲིན་ལས་ཀྱིས་སྤྲུལ་སྐུ་ཕྱག་ཏུ་བཞེས་ཏེ། དམ་ཅན་སྒོ་མོ་ལ་དམོད་བཅོལ་མཛད་ནས་ལྷ་ཁང་རབ་གསལ་ནས་རྡོ་གཅལ་དུ་བསྐྱུར། དམ་ཅན་འབྲོག་པའི་རྫུ་བག་གིས་པང་དུ་བཟེད་པའི་རྣམ་པ་མཐོང་བས། ཐམས་ཅད་ངོ་མཚར་དུ་གྱུར་ཏེ་ཐེ་ཚོམ་གྱི་སྒྲོག་ལས་གྲོལ། ཡོངས་འཛིན་ཆོས་རྗེ་རང་ནས་བསླབ་ཚིགས་སྨིན་གྲོལ་གདམས་པའི་བཀའ་དྲིན་རྫོགས་པར་མཛད། ཕྱིས་རྩ་བའི་བླ་མ་ཀུན་དགའ་རྒྱ་མཚོར་བསྟེན་ནས་སྨིན་གྲོལ་སྨར་ཁྲིད་ཀྱི་རིམ་པ་གསན་སྒོམ་མཛད། སོ་ལྔ་པར་རྗེ་མཁན་རབས་བཅུ་བདུན་པའི་ཁྲིར་ཕེབས། ལོ་དྲུག་ཏུ་ཆོས་ཀྱི་འཁོར་ལོ་བསྐོར། ཞེ་གཅིག་པར་ཁྲི་ལས་གཞོལ་ཏེ་དབེན་པར་བསྟེན། སྒྲུབ་པ་དང་འགྲོ་དོན་སྤེལ་མར་མཛད་པའི་མཐར། དགུང་ལོ་ཞེ་དགུ་པ་ཤིང་གླང་ ༡༨༠༥ ལོར་གཤེགས་སོ། །