48290

བྱུང་ཤེས་ཀྱི་ལྔ་པ་ (1)

Part of speech	མིང་ཚིག
Definition	མདོ། འདུལ་བ། ལྔ་ཕྲུགས་ཉེར་གཅིག་གི་ནང་ཚན་ཞིག དེའི་ཡན་ལག་དང་གོ་དོན་བཅས་ཞིབ་པར་ནི། པཎ་ཆེན་གྱི་འདུལ་བ་ལུང་རིགས་ཉི་མ་ལས། བཅོ་བརྒྱད་པ་བྱུང་ཤེས་ཀྱི་ལྔ་པ་ཡོད་དེ། བསྟན་ཚུལ་གྱི་དབང་དུ་བྱས་ན། བྱུང་བ་དང་། བཅས་པ་དང་། རྗེས་སུ་བཅས་པ་དང་། བཀག་པ་དང་། གནང་བ་མངོན་པར་ཤེས་པ་ཉིད་དོ། །ཞེས་པའི་མདོ་ལས་བསྟན་ཅིང་བསྟན་དོན་ཡང་། བྱུང་བ་མངོན་པར་ཤེས་པ། བཅས་པ་མངོན་པར་ཤེས་པ། རྗེས་སུ་བཅས་པ་མངོན་པར་ཤེས་པ། བཀག་པ་མངོན་པར་ཤེས་པ། གནང་བ་མངོན་པར་ཤེས་པ་རྣམས་ཡིན་པའི་ཕྱིར། ཡན་ལག་དང་པོ་བྱུང་བ་མངོན་པར་ཤེས་པ་ལ་གཉིས་ཡོད་དེ། གླེང་གཞི་བྱུང་ལ་བཅས་པ་མ་མཛད་པ་ལྟ་བུ་བྱུང་ལ་མ་བཅས་པའི་བྱུང་བ་མངོན་པར་ཤེས་པ་དང། གླེང་གཞི་བྱུང་བ་ལྟར་དུ་བཅས་པ་ཡང་མཛད་པ་ལྟ་བུ་བྱུང་ལ་བཅས་པའི་བྱུང་བ་མངོན་པར་ཤེས་པ་གཉིས་ཡོད་པའི་ཕྱིར། དང་པོའི་མཚན་གཞི་ཡོད་དེ། སྲས་སྒྲ་གཅན་འཛིན་གྱིས་བསམ་བཞིན་དུ་རྫུན་སྨྲས་པ་ལ་བཅས་པ་མ་མཛད་པ་ལྟ་བུ་ཡིན་པའི་ཕྱིར། བཅོམ་ལྡན་འདས་ཀྱིས་དེ་ལ་བཅས་པ་མ་མཛད་པའི་རྒྱུ་མཚན་ཡོད་དེ། དེ་དུས་སྒྲ་གཅན་འཛིན་དགེ་ཚུལ་ཡིན་པ་གང་ཞིག །དགེ་ཚུལ་གྱི་རྟེན་ལ་དངོས་བཅས་ཀྱི་ཁྲིམས་ཉིས་བརྒྱ་ལྔ་བཅུ་རྩ་གསུམ་གང་གི་ཡང་བཅས་པ་མ་མཛད་པའི་ཕྱིར། གཉིས་པ་ཡང་ཡོད་དེ། མཚན་གཞིའི་དབང་དུ་བྱས་ན། དགེ་སློང་བཟང་སྦྱིན་གྱིས་མི་ཚངས་པར་སྤྱད་པ་ལ་བརྟེན་ནས་བཅས་པ་མཛད་པ་ལྟ་བུ་ཡིན་ཅིང་། ཞེས་གསུངས།
Domain	ཆོས་ལུགས།

{{#arraymap:བྱུང་ཤེས་ཀྱི་ལྔ་པ་

|; |@@@ | | }}