48352

བྱེ་བྲག་སྨྲ་བའི་ལུགས་ཀྱི་རྟེན་འབྲེལ་ (1)

Part of speech	མིང་ཚིག
Definition	ཡན་ལག་བཅུ་གཉིས་ཚང་བ་ནི་འདོད་པ་ཁམས་པའི་བརྫུས་སྐྱེས་མ་ཡིན་པའི་སེམས་ཅན་ཚེ་ཡོངས་སུ་རྫོགས་པ་གཅིག་དབུས་སུ་བྱས་ནས་དེའི་ཚེ་གསུམ་ལ་མ་རིག་པ་དང་། འདུ་བྱེད། རྣམ་ཤེས་ནས་སྲིད་པའི་བར་བརྒྱད། སྐྱེ་རྒ་གཉིས་སོ་སོར་བཞག་དགོས་སོ། །འོ་ན་དེ་ཚེ་གསུམ་ལ་བཞག་པའི་ངོ་བོ་གང་ཞེ་ན། མ་རིག་པ་ནི་ཚེ་སྔ་མའི་ལས་ཀུན་ནས་བསློངས་པའི་ཉོན་མོངས་པའི་གནས་སྐབས་ཀྱི་ཕུང་པོ་ལྔའོ། །འདུ་བྱེད་ནི་སྔ་མའི་ཉོན་མོངས་པའི་དབང་གིས་ལས་བསོག་པའི་གནས་སྐབས་ཀྱི་ཕུང་པོ་ལྔའོ། །རྣམ་པར་ཤེས་པ་ནི་ལས་དེས་ཚེ་འདིར་མའི་མངལ་དུ་ཉིང་མཚམས་སྦྱོར་བའི་སྐད་ཅིག་མ་དང་པོའི་གནས་སྐབས་ཀྱི་ཕུང་པོ་ལྔའོ། །མིང་དང་གཟུགས་ནི་ཉིང་མཚམས་སྦྱར་བའི་སྐད་ཅིག་གཉིས་པ་ནས་སྐྱེ་མཆེད་དྲུག་མ་དོད་པའི་བར་གྱི་གནས་སྐབས་ཀྱི་ཕུང་པོ་ལྔའོ། །སྐྱེ་མཆེད་དྲུག་ནི་སྐྱེ་མཆེད་དྲུག་དོད་པ་ནས་ཡུལ་དབང་རྣམ་ཤེས་གསུམ་མ་འདུས་པའི་བར་གྱི་གནས་སྐབས་ཀྱི་ཕུང་པོ་ལྔའོ། །རེག་པ་ནི་དེ་གསུམ་འདུས་ནས་བདེ་སྡུག་གི་འགྱུར་བ་མི་ཤེས་པའི་བར་གྱི་གནས་སྐབས་ཀྱི་ཕུང་པོ་ལྔའོ། །ཚོར་བ་ནི་བདེ་སྡུག་གི་འགྱུར་བ་ཤེས་ནས་འཁྲིག་པ་སྤྱོད་མི་ཤེས་པའི་བར་གྱི་གནས་སྐབས་ཀྱི་ཕུང་པོ་ལྔའོ། །སྲེད་པ་ནི་འཁྲིག་པ་སྤྱོད་ཤེས་པ་ནས་འཁྲིག་པའི་ལོངས་སྤྱོད་ལ་ཆགས་པ་མ་སྐྱེས་པའི་བར་གྱི་གནས་སྐབས་ཀྱི་ཕུང་པོ་ལྔའོ། །ལེན་པ་ནི་དེ་ལ་ཆགས་པ་སྐྱེས་པ་ནས་ལོངས་སྤྱོད་དེ་ཐོབ་པའི་ཆེད་དུ་ཡོངས་སུ་རྒྱུག་པའི་བར་གྱི་གནས་སྐབས་ཀྱི་ཕུང་པོ་ལྔའོ། །སྲིད་པ་ནི་རྒྱུག་པ་དེ་ཉིད་ཡང་སྲིད་ཕྱི་མ་འབྱུང་བའི་ལས་སོགས་པའི་གནས་སྐབས་ཀྱི་ཕུང་པོ་ལྔའོ། །སྐྱེ་བ་ནི་ལས་དེས་ཚེ་ཕྱི་མར་མངལ་དུ་ཉིང་མཚམས་སྦྱོར་བའི་སྐད་ཅིག་དང་པོའི་གནས་སྐབས་ཀྱི་ཕུང་པོ་ལྔའོ། །རྒ་ཤི་ནི་དེའི་སྐད་ཅིག་གཉིས་པ་མིང་གཟུགས་ནས་བཟུང་སྟེ་ཚོར་བའི་བར་གྱི་ཕུང་པོ་ལྔའོ། །དེ་ཡང་འདི་ཉིད་དབུས་སུ་བཞག་པ་ན་སྐྱེ་བ་ལ་རྣམ་ཤེས་དང་། རྒ་ཤི་ལ་མིང་གཟུགས་ནས་ཚོར་བའི་བར་བཞག་སྟེ། གཞན་ལ་ཡང་འགྲེའོ། །ཐམས་ཅད་ཕུང་པོ་ལྔ་པ་ཡིན་ན། མ་རིག་པ་སོགས་ཅིའི་ཕྱིར་ཡན་ལག་ཏུ་བཞག་ཅེ་ན། དེ་དང་དེའི་གནས་སྐབས་ན་གཙོ་གང་ཆེ་བ་དེའི་མིང་ནས་སྨོས་ཏེ་ཡན་ལག་ཏུ་བཞག་པ་ཡིན་ཏེ། སྔོན་ཉོན་མོངས་པའི་གནས་སྐབས་ན་མ་རིག་པ་གཙོ་ཆེ་བ་དང་། ལས་ཀྱི་གནས་སྐབས་ན་འདུ་བྱེད་སེམས་པ་གཙོ་ཆེ་བ་ལ་སོགས་པའི་དབང་གིས་ཡན་ལག་རེ་རེ་ལ་ཕུང་པོ་ལྔ་ཆར་ཡོད་ཀྱང་མ་རིག་པ་སོགས་དེ་དང་དེའི་མིང་གིས་སྨོས་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། །
Domain	ཆོས་ལུགས།

{{#arraymap:བྱེ་བྲག་སྨྲ་བའི་ལུགས་ཀྱི་རྟེན་འབྲེལ་

|; |@@@ | | }}