48441

བྱེད་རྒྱུ་ནུས་མེད་ (1)

Part of speech	མིང་ཚིག
Definition	མདོ། བྱེད་རྒྱུ་གཉིས་ཀྱི་ཡ་གྱལ། འབྲས་བུ་རང་ཉིད་ལས་གཞན་པའི་འདུས་མ་བྱས་ཐམས་ཅད་ནི་བྱེད་རྒྱུ་ནུས་མེད་དེ། འབྲས་བུ་སྐྱེ་བ་ལ་གེགས་མི་བྱེད་པའི་ངོ་བོར་གནས་པའི་ཕྱིར་རོ། །འདུས་མ་བྱས་ལ་སོགས་པ་དང་གཟུགས་མེད་པའི་ཕུང་པོ་ལ་དམྱལ་བ་ལ་སོགས་པ་ལྟ་བུའོ། །དེ་ཡང་སྐྱེ་བ་ལ་མི་སྒྲིབ་པའི་དངོས་པོ་བྱེད་རྒྱུའི་རྒྱུ་ཡིན་གྱི་འདི་ལ་འབྲས་བུ་ཡོད་པ་མ་ཡིན་ཏེ། དུས་ལས་གྲོལ་བ་ལ་འབྲས་བུ་འཛིན་པ་དང་། སྨིན་པའི་མཐུ་མེད་པའི་ཕྱིར་རོ། ། མདོ་སྡེ་པ་རྣམས་ན་རེ། བཅོམ་ལྡན་འདས་ཀྱིས་གང་ལས་ཀྱང་འདུས་མ་བྱས་རྒྱུ་ཡིན་ནོ་ཞེས་མ་གསུངས་ཀྱི། རྒྱུ་མ་ཡིན་ནོ་ཞེས་རྣམ་གྲངས་ཀྱིས་གསུངས་སོ། །ཇི་ལྟར་གསུངས་ཤེ་ན། གཟུགས་སྐྱེད་པའི་རྒྱུ་གང་དག་ཡིན་པ་དང་། རྐྱེན་གང་དག་ཡིན་པ་དེ་དག་ཀྱང་མི་རྟག་པ་ཡིན་ན་རྒྱུ་དང་རྐྱེན་མི་རྟག་པ་དག་ལ་བརྟེན་ནས་བྱུང་བའི་གཟུགས་ལྟ་རྟག་པར་ག་ལ་འགྱུར། རྣམ་པར་ཤེས་པའི་བར་དུ་ཡང་དེ་དང་འདྲའོ་ཞེས་གསུངས་སོ་ཞེས་ཟེར་རོ། །
Domain	ཆོས་ལུགས།