49069

བླ་མ་དྲག་པོའི་ནང་སྒྲུབ་ཡང་སྙིང་རྡོ་རྗེའི་ཕྲེང་བ་ (1)

Part of speech

མིང་ཚིག

Definition

བླ་མ་དྲག་པོའི་ནང་སྒྲུབ་ཡང་སྙིང་རྡོ་རྗེའི་ཕྲེང་བ། ཞེས་བྱ་བ་སྟེ། གཏེར་གཞུང་ལས། བདག་ཉིད་པདྨ་འབྱུང་གནས་ཀྱང༔ རྡོ་རྗེ་འཆང་དང་བཀའ་ཡང་བསྒྲོས༔ ཡི་དམ་ལྷ་དང་སྐལ་བར་མཉམ༔ ཆོས་བདག་མཁའ་འགྲོས་ལུང་ཡང་བསྟན༔ བོད་ཡུལ་ས་འོག་གཏེར་གཅིག་ལ༔ ཐུགས་སྒྲུབ་དྲག་པོའི་ཡང་སྙིང་འདི༔ ད་ལྟ་མངའ་བདག་ཆོས་རྒྱལ་དང༔ ནམ་སྙིང་མཆོག་དབྱངས་ལང་འགྲོ་ལ༔ གཏད་དེ་མ་འོངས་ཕྱི་མའི་ཚེ༔ ལས་ཅན་སྐྱེས་བུ་གཅིག་ལ་གཏད༔ ཅེས་པའི་ལུང་བསྟན་བཞིན། གཏེར་ཆེན་རཏྣ་གླིང་པས་མཁར་ཆུ་ཕུག་རིང་ནས་སྤྱན་དྲངས། འདིའི་ནང་དོན་ལ། སྔོན་འགྲོར་གནས་ཕུན་སུམ་ཚོགས་པར་ཆོས་རྫས་ལེགས་པར་བཤམ་པ་དང། བདག་ཉིད་ལྷར་བསྐྱེད་པ་དང་། རྩ་བའི་དཀྱིལ་འཁོར་བསྐྱེད་པ་གཉིས་ཀྱི་སྒོ་ནས། དངོས་གཞིར་བསྙེན་བསྒྲུབ་ཀྱི་རིམ་པ་བསྟན་ཅིང་། རྗེས་ཀྱི་ལས་སྦྱོར་འཕྲོ་འདུས་ཀྱི་དྲག་སྔགས་བཟླ་བ་བཅས་གསུམ་གྱི་སྒོ་ནས་བླ་མ་དྲག་པོའི་ནང་གི་བསྒྲུབ་པའི་ལས་ཆོག་བསྟན།