49078

བླ་མ་བཀུར་ཚུལ་སུམ་ཅུ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། བླ་མ་བཀུར་ཚུལ་སུམ་ཅུ་ནི། གསང་སྔགས་རྡོ་རྗེ་ཐེག་པའི་རྩ་བའི་དམ་ཚིག་བརྒྱ་དང་དྲུག་ཅུའི་ཡ་གྱལ་ཏེ། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། བླ་མ་བཀུར་བ་སུམ་ཅུ་ནི། བླ་མ་དྲུག་ལ་ལུས་ཀྱི་སྒོ་ནས་བརྡེག་བཙོག་སྤང་། འདོད་ཡོན་གྱིས་མཆོད། ཡུམ་ལ་མི་སྤྱད། དྲང་པོའི་ཕྱོགས་ལ་མི་འགྲོ། གདན་མི་བརླམ། བག་མེད་པའི་འགྲོ་འདུག་མི་བྱ། ངན་སྤྱོད་མི་བྱ། རྒྱངས་འཁྱོར་མི་བྱ། ཆེ་ཁྱེར་སྤང་། མ་རབས་ཀྱི་སྤྱོད་པ་སྤང་ཞིང་བག་ཟོན་དང་ལྡན་པར་བྱའོ། །ངག་གི་སྒོ་ནས་རྫུན། ཕྲ་མ། ཚིག་རྩུབ། ངག་འཁྱལ། བེ་བོགས། རྡབས་སྐད། ཅ་ཅོ། ལྐོག་ཏུ་ཚུལ་ངན་བརྗོད་པ་དང་བརྒྱད་སྤང་ཞིང་ཡོན་ཏན་རྣམས་བརྗོད། སྙན་པར་སྨྲའོ། །སེམས་ཀྱི་སྒོ་ནས་བླ་མའི་རྫས་ལ་རྐམ་ཞིང་ཡུལ་ལ་ཆགས་པ་དང་། བླ་མ་དང་བླ་མའི་འཁོར་གྱི་སྐྱོན་ལ་མནར་སེམས་པ་དང། ཡོན་ཏན་ལ་རྨོངས་པ་དང་། རང་ཆེའོ་སྙམ་པའི་དྲེགས་པ་དང་། བླ་མའི་ཕུན་སུམ་ཚོགས་པ་ཕྲག་ཏུ་མི་ཤོང་བ་དང་། ངན་དུ་སེམས་པ་རྣམས་སྤང་བ་དང་། བླ་མའི་གསུང་གཉན་ཞིང་ལྕི་བར་སེམས་པ་དང་། ཕ་མ་ལྟར་སེམས་པ་དང་། ཡི་དམ་ལྟར་སེམས་པ་དང་། གདུང་སེམས་རྒྱུན་མི་གཅད་པ་དང་བཅུ་སྟེ། དྲིལ་བས་བླ་མ་བཀུར་ཚུལ་སུམ་ཅུའོ། །ཞེས་གསུངས།
Domain	ཆོས་ལུགས།