49138

བླ་མའི་ཡོན་ཏན་བཅུ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་གསུངས་པའི་བླ་མ་དམ་པའི་ཁྱད་ཆོས་སམ་ཡོན་ཏན་བཅུ་སྟེ། གཟི་ལྡན་འཆར་ཁའི་འོད་སྣང་ལས། འགྲོ་བ་ཐར་པའི་ལམ་སྟོར་བ་རྣམས་ཀྱི་ས་རྒྱུས་མཁན་དང་འདྲ་ལ། འཁོར་བའི་སྡུག་བསྔལ་གྱིས་ཉེན་པ་དག་གི་བཤེས་གཉེན་དང་མགོན་སྐྱབས་དམ་པར་གྱུར་པ། མ་རིག་པའི་མུན་པ་སེལ་བའི་སྒྲོན་མ། གཞན་ལས་འཕགས་པར་གྱུར་པས་རིན་པོ་ཆེ་འབར་བ་ལྟ་བུ། དོན་མཐོང་བར་བྱེད་པའི་མིག་གི་དབང་པོ་དང་འདྲ་བ། དོན་གྱི་རང་བཞིན་ཤེས་པར་བྱེད་པའི་ཡིད་ཀྱི་རྣམ་པར་ཤེས་པ་དང་མཚུངས་པ། འཁོར་བའི་ཆུ་བོ་ཆེན་པོ་རབ་མེད་པ་བཞི་ལས་སྒྲོལ་བས་གྲུ་དང་འདྲ་བ། སྲིད་པའམ་ངན་སོང་གི་འཇིགས་པ་བརྒྱད་ཀྱིས་མི་ཚུགས་པས་མཁྲེགས་པར་གྱུར་པའི་རྫོང་ཆེན་པོ་ལྟ་བུ། འཁོར་བའི་དམག་དཔུང་གིས་མི་ཚུགས་པས་རྟེན་པར་གྱུར་པའི་མཁར་དང་འདྲ་བ། འཁོར་བའི་གཅོང་རྙིང་ཉོན་མོངས་དུག་ལྔ་དང་མ་རིག་པའི་ནད་འབྱིན་པས་སྨན་པའི་མཆོག་དང་མཚུངས་པ། སྲིད་པའི་རྒྱ་མཚོ་བརྒལ་ནས་མྱ་ངན་ལས་འདས་པའི་ནོར་ལེན་པའམ་ཆོས་ཉིད་ཀྱི་མཚོ་གླིང་ནས་ཡང་དག་པའི་དོན་གྱི་རིན་ཆེན་ལེན་པར་བྱེད་པའི་དེད་དཔོན་མཁས་པ་ལམ་མཐུན་མི་མཐུན་དང་རྟགས་རྣམས་ལ་བློ་གྲོས་ཡངས་པ་དང་འདྲ་བའོ། །ཞེས་གསུངས།
Domain	ཆོས་ལུགས།