4924

ཁྲོ་བོ་ཆེན་པོ་ཀི་ལ་ཡ་ (1)

Part of speech	མིང་ཚིག
Definition	བོན། སྔགས། བྱ་རྒྱུད། ཀུན་དབྱིངས་དཀྱིལ་འཁོར་ཕོ་བྲང་གི་ཕྱི་ཡི་ལྷོ་སྒོ་སྲུང་བའི་ཁྲོ་བོ་སྟེ། དེའི་ཆ་ལུགས་ནི། ཁྲི་གདན་གྱི་ཁ་ལ། སྐུ་འགྱིང་སྟབས་སུ་བཞེངས་ནས་མཐིང་ནག་འབར་བའི་སྐུ་ལ་ཁྲོ་བོའི་རྒྱན་རྣམས་རྫོགས་ཞིང། མེ་རི་གཡོ་བའི་དབལ་གཤོག་གྱེན་དུ་གདེང་སྟེ། ཕྱག་ན་ཉུང་རྒོད་བསྣམས་ནས། རིན་ཆེན་རིགས་ཀྱི་སྤྲུལ་བ་དང་ཕོ་ཉ་མང་པོ་འགྱེད་དེ། ལྷོ་ཕྱོགས་བགེགས་ཀྱི་དཔུང་ཚོགས་འཇོམས་པའི་ཁྲོ་རྒྱལ་ཞིག་ཡིན་པར་ ༼གཟི་བརྗིད་པོད་གསུམ་པ་༽ལས་གསལ་ལོ། །
Domain	ཆོས་ལུགས།