49476

བློ་སྦྱོང་གི་བསླབ་བྱ་ཉི་ཤུ་རྩ་གཉིས་ (1)

Part of speech	མིང་ཚིག
Definition	༡ ཟས་ཀྱི་རྣལ་འབྱོར་སོགས་གཞན་ཕན་ཁོ་ནའི་བསམ་པས་བསླབ་པ། ༢ གེགས་སེལ་བོགས་འདོན་སོགས་བདག་གཞན་མཉམ་རྗེས་ཀྱིས་བསླབ་པ། ༣ དགེ་སྦྱོང་གི་ཐོག་མཐར་སེམས་བསྐྱེད་དང་བསྔོ་བས་རྒྱས་འདེབས་ལ་བསླབ་པ། ༤ དམ་ཚིག་ཀུན་སྲོག་བསྡོས་བྱས་ཏེ་བསྲུང་བ་ལ་བསླབ་པ། ༥ ཉོན་མོངས་གང་སྐྱེས་གཉེན་པོ་བསྟེན་ཅིང་ཕྱིན་ཆད་མི་སྐྱེས་པའི་ཐབས་ལ་བསླབ་པ། ༦ སྐྱིད་སྡུག་གང་བྱུང་བློ་སྦྱོང་གི་གྲོགས་སུ་ཁྱེར་བ་ལ་བསླབ་པ། ༧ དམ་ཆོས་སྒྲུབ་པའི་རྐྱེན་ལ་བསླབ་པ། ༨ ཉམས་པ་མེད་པ་གསུམ་ལ་བསླབ་པ། ༩ སྒོ་གསུམ་དགེ་དང་འབྲེལ་མེད་ལ་བསླབ་པ། ༡༠ གང་ལ་རིས་མེད་བྱ་བ་ལ་བསླབ་པ། ༡༡ གང་ཤར་བློ་སྦྱོང་གིས་ཁྱབ་པ་ལ་བསླབ་པ། ༡༢ དགྲ་ལ་བྱམས་བརྩེ་སྒོམ་པ་ལ་བསླབ་པ། ༡༣ རྐྱེན་བཟང་ངན་ལ་མ་ལྟོས་པར་བློ་སྒོམ་པ་ལ་བསླབ་པ། ༡༤ སྙིང་པོ་བསྡུས་ནས་གཙོ་བོ་ཉམས་སུ་ལེན་པ་ལ་བསླབ་པ། ༡༥ གོ་ལོག་དྲུག་སྤོང་བ་ལ་བསླབ་པ། ༡༦ ཉམས་ལེན་རྒྱུན་དུ་སྐྱོང་བ་ལ་བསླབ་པ། ༡༧ ཚམ་ཚོམ་མི་བྱ་བར་བློ་ཆིག་སྒྲིལ་དུ་བྱ་བ་ལ་བསླབ་པ། ༡༨ རྟོག་དཔྱོད་ཡང་ཡང་བྱས་ཏེ་ཉོན་མོངས་སྤོང་བ་ལ་བསླབ་པ། ༡༩ གཞན་ལ་ཡུལ་མི་བྱ་བ་ལ་བསླབ་པ། ༢༠ ཚིག་ངན་ཅུང་ཟད་རེ་ལ་ཀོ་ལོང་མི་བྱ་བར་བསླབ་པ། ༢༡ ཆོས་ལ་བསྙེན་བཀུར་གྱི་རེ་བ་མེད་པ་ལ་བསླབ་པ། ༢༢ དགེ་སྦྱོར་ལ་རྟགས་སྦྱོར་གྱི་བརྩོན་པས་བསླབ་པ་བཅས་སོ། །
Domain	ཆོས་ལུགས།