49506

བློན་པོའི་ལྟུང་བའི་རྩ་བ་ལྔ་ (1)

Part of speech	མིང་ཚིག
Definition	འཕགས་པ་ནམ་མཁའི་སྙིང་པོ་ཞེས་བྱ་བའི་མདོ་ལས་བྱུང་བ་སྟེ། གང་ཡང་བློན་པོས་མཆོད་རྟེན་གྱི་རྫས་འཕྲོག་པར་བྱེད་དམ། ཕྱོགས་བཞིའི་དགེ་འདུན་གྱི་རྫས་འཕྲོག་པར་བྱེད་པ་འདི་ནི། ལྟུང་བའི་རྩ་བ་དང་པོའོ། །གང་ཡང་གྲོང་འཇོམས་པར་བྱེད་པ་དང་། ལྗོངས་འཇོམས་པ་དང་། གྲོང་ཁྱེར་འཇོམས་པར་བྱེད་པ་འདི་ནི། ལྟུང་བའི་རྩ་བ་གཉིས་པའོ། །ཡང་བློན་པོ་གང་ཆོས་སྤོང་བར་བྱེད། འགོག་པར་བྱེད། སྦེད་པར་བྱེད་པ་འདི་ནི། ལྟུང་བའི་རྩ་བ་གསུམ་པའོ། །ཡང་བློན་པོ་གང་བཅོམ་ལྡན་འདས་ཀྱི་ཕྱིར་རབ་ཏུ་བྱུང་བ་ལ་གཙེ་བར་བྱེད་ན། བསླབ་པ་འཛིན་ཀྱང་རུང་། མི་འཛིན་ཀྱང་རུང་། ཚུལ་ཁྲིམས་དང་ལྡན་ཡང་རུང་། མི་ལྡན་ཡང་རུང་སྟེ། དེ་དག་གི་གོས་ངུར་སྨྲིག་དག་འཕྲོག་པར་བྱེད། ཁྱིམ་པར་བྱེད་དམ། ལུས་ལ་ཆད་པས་གཅོད་དམ། བཙོན་རར་འཇུག་པར་བྱེད་དམ། སྲོག་གཅོད་པར་བྱེད་པ་འདི་ནི། ལྟུང་བའི་རྩ་བ་བཞི་པའོ། །ཡང་བློན་པོ་གང་མཚམས་མེད་པ་ལྔ་ལས་མཚམས་མེད་པ་གང་ཡང་རུང་བའི་ལས་བྱེད་ཅིང་གསོག་པ་འདི་ནི། ལྟུང་བའི་རྩ་བ་ལྔ་པའོ། །
Domain	ཆོས་ལུགས།