4951

ཁྲོ་བོ་རྣམ་པ་གསུམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ཆོས་ལོངས་སྤྲུལ་གསུམ་གྱི་ཁྲོ་བོ་སྟེ། ཕྱོགས་བཅུའི་མུན་སེལ་ལས། ཀྲོ་དྷའི་སྒྲ་ལས་ཁྲོ་བོ་སྟེ། མི་མཐུན་པའི་ཕྱོགས་ལས་རྣམ་པར་རྒྱལ་ཞིང་འགྲོ་བའི་དོན་རྔམས་པའི་འཕྲིན་ལས་དྲག་པོས་མཛད་པའོ། །དབྱེ་ན་གསུམ་སྟེ། ཞི་བ་ཆོས་ཉིད་ཀྱི་ཁྲོ་བོ་དངོས་པོ་དང་མཚན་མར་མེད་པར་ཆོས་སྐུ་སྤྲོས་པའི་མཐའ་དང་བྲལ་བའོ། །དེའི་ངང་ལས་འོག་མིན་དུ་ཧེ་རུ་ཀའི་དཀྱིལ་འཁོར་སྣང་བ་ནི་ལོངས་སྤྱོད་རྫོགས་པའི་རང་བཞིན་དོན་གྱི་གནས་ལུགས་སོ། །དེའི་ཐུགས་རྗེ་ལྷུན་གྱིས་གྲུབ་པས་གང་ལ་གང་འདུལ་གྱི་ཁྲོ་བོར་སྣང་བ་ནི་མཛད་པ་འཕྲིན་ལས་ཀྱི་རང་བཞིན་སྤྲུལ་པའི་སྐུའི་ངོ་བོ་སྟེ། ཐབས་ཞགས་ལས། མཉམ་ཉིད་ངང་གིས་ཁྲོ་ལ་ཕྱག་འཚལ་ལོ། །ཁྲོ་བས་ལོངས་སྤྱོད་མཛད་ལ་ཕྱག་འཚལ་ལོ། །རྡོ་རྗེ་འདུ་འཕྲོ་མཛད་ལ་ཕྱག་འཚལ་ལོ། །ཞེས་སོ། །ཞེས་གསུངས།
Domain	ཆོས་ལུགས།

ཁྲོ་བོ་རྣམ་པ་གསུམ་ (2)

Part of speech

མིང་ཚིག

Definition

ཤེས་རབ་ཆེན་པོའི་ཁྲོ་བོ། ཡེ་ཤེས་ཆེན་པོའི་ཁྲོ་བོ། ཕྱག་རྒྱ་ཆེན་པོའི་ཁྲོ་བོ་སྟེ། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། སྤྱིར་ཁྲོ་བོ་ལ་གསུམ་ལས། ཤེས་རབ་ཆེན་པོའི་ཁྲོ་བོ་ནི་བདག་མེད་རྟོགས་པའི་ཤེས་རབ་སྟེ། དེས་རྣམ་པར་རྟོག་པའི་མཚན་མ་འཇོམས་པས་སོ། །དེ་ཡང་སྒྱུ་འཕྲུལ་རྡོ་རྗེ་ལས། ཡང་དག་ཤེས་རབ་ཆེན་པོ་ནི། །མཚན་མ་འཇོམས་ཕྱིར་ཁྲོ་བོའི་མཆོག ། ཅེས་གསུངས་སོ། །ཡེ་ཤེས་ཆེན་པོའི་ཁྲོ་བོ་ནི་རང་རིག་པའི་ཡེ་ཤེས་ཏེ། དེས་དངོས་པོ་གཉིས་ཀྱིས་བསྡུས་པའི་ཆོས་ལ་མངའ་མཛད་ཅིང་། སྲིད་ཞི་གཉིས་ཀྱི་ས་བོན་དྲུང་ནས་འཇོམས་པས་སོ། །དེ་ཡང་སྒྱུ་འཕྲུལ་རྒྱས་པ་ལས། རང་རིག་ཡེ་ཤེས་རྒྱལ་པོ་ཡིས། །ཕྱོགས་བཅུ་ཁམས་རྣམས་དབང་བསྡུས་ནས། །ཀུན་ཀྱང་མི་དམིགས་དབྱིངས་སུ་ཐིམ། །ཐམས་ཅད་ཁྲོ་བོའི་ཚོགས་སུ་འགྱུར། །ཞེས་གསུངས་སོ། །ཕྱག་རྒྱ་ཆེན་པོའི་ཁྲོ་བོ་ནི་གདུལ་བྱ་གདུག་པ་ཅན་གདུལ་བའི་ཕྱིར་སྐུ་མདོག་དང་རྒྱན་ཆས་སུ་སྣང་བ་སྟེ། དེ་ཡང་དྲང་སྲོང་ཁྲོས་པའི་ཆ་བྱད་དང་། མིའུ་ཐུང་བྱིས་པའི་ཆ་བྱད་དང་། དཔལ་ཆེན་རྔམ་བརྗིད་ཀྱི་ཆ་བྱད་ཅན་ཏེ། འབར་བ་ཆེན་པོའི་གར་དགུ་དང་ལྡན་པའོ། །དེ་ལྟར་ཁྲོ་བོ་གསུམ་ལས། འདིར་ཕྱི་མ་སྟོན་ཏེ། དེ་དགོས་ཆེད་ཅིའི་ཕྱིར་ཞེ་ན། རུཏྲ་འདུལ་བའི་ཕྱིར་དུའོ། །ཞེས་གསུངས།

ཁྲོ་བོ་རྣམ་པ་གསུམ་ (3)

Part of speech	མིང་ཚིག
Definition	སྔགས། རྫོགས་ཆེན། རྙིང་མ། ཉི་ཟླ་འབར་བའི་སྒྲོན་མ་ལས། ཁྲོ་བོ་ཞེས་པ་ནི་གསུམ་སྟེ། ངང་ཁྲོ། ཤུགས་ཁྲོ། མཛད་པ་དང་བཅས་ནས་ཁྲོ་བའོ། །ཞེས་གསུངས།
Domain	ལྟ་གྲུབ།