49893

མ་ངེས་པ་བརྒྱད་ (1)

Part of speech	མིང་ཚིག
Definition	མདོ། མངོན་པ། མ་ངེས་པ་བཤད་པ་ནི་འོ་ན་སློབ་དཔོན་གང་སྤེལ་དང་དབྱིག་བཤེས་ཀྱི་ཊཱི་ཀ་ལས། རྟོག་དང་དཔྱོད་དང་འགྱོད་པ་དང། །གཉིད་དང་ཁོང་ཁྲོ་ཆགས་རྣམས་དང། །ང་རྒྱལ་ཐེ་ཚོམ་ཞེས་བྱ་བ། །བརྒྱད་ནི་ངེས་པ་མིན་པར་བཤད། །ཅེས་གསུངས་པ་དག་ཀྱང་སེམས་ལས་བྱུང་བའི་དབྱེ་བར་ཅིའི་ཕྱིར་མ་བཤད་ཅེ་ན། ངེས་པ་རྣམས་དངོས་སུ་བཤད་པ་ཉིད་ཀྱིས་དེ་དག་མ་ངེས་པར་ཤུགས་ལ་གོ་བའི་ཕྱིར་མ་བཤད་དོ། །ཇི་ལྟར་མ་ངེས་ཤེ་ན། རེ་ཞིག་ས་མང་པོ་པ་ནི་མ་ཡིན་ཏེ། སེམས་ཐམས་ཅད་ཀྱི་འཁོར་དུ་མི་འབྱུང་བའི་ཕྱིར་རོ། །དགེ་བའི་ས་པའང་མ་ཡིན་ཏེ། དགེ་བ་ཐམས་ཅད་ཀྱི་འཁོར་དུ་མི་འབྱུང་བའི་ཕྱིར་རོ། །ཉོན་མོངས་པའི་ས་པའང་མ་ཡིན་ཏེ། ཉོན་མོངས་ཅན་གྱི་སེམས་ཐམས་ཅད་ཀྱི་འཁོར་དུ་འབྱུང་བར་མ་ངེས་པའི་ཕྱིར་རོ། །མི་དགེ་པའི་ས་པའང་མ་ཡིན་ཏེ། མི་དགེ་བ་ཐམས་ཅད་ཀྱི་འཁོར་དུ་འབྱུང་བར་མ་ངེས་པའི་ཕྱིར་རོ། །ཉོན་མོངས་ཆུང་ངུའི་ས་པའང་མ་ཡིན་ཏེ། རྟོག་དཔྱོད་ལ་གསུམ་ཆར་དང། འགྱོད་པ་ལ་དང་པོ་དང། གཉིད་ལ་དང་པོ་གཉིས་དང་། ཆགས་སྡང་ལ་ཐ་མ་གཉིས་དང། ང་རྒྱལ་དང་། ཐེ་ཚོམ་ལ་བར་མ་མེད་པས་མ་རིག་པ་ཙམ་དང་སྒོམ་སྤང་ཙམ་དང་ཡིད་ཙམ་དང་མཚུངས་པར་ལྡན་པ་ཁོ་ན་མ་ཡིན་པའི་ཕྱིར་རོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:མ་ངེས་པ་བརྒྱད་

|; |@@@ | | }}