49921

མ་ཆགས་པདྨ་ཅན་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། མ་ཆགས་པདྨ་ཅན་ནི་སངས་རྒྱས་ཀྱི་ས་སྟེ། དཔལ་གསང་བ་སྙིང་པོའི་རྒྱ་ཆེར་འགྲེལ་པ་ལས། ཐབས་ཀྱི་མཆོག་ཅེེས་བྱ་བ་ནི་མ་ཆགས་པདྨ་ཅན་གྱི་ས་སྟེ། ས་བཅུ་གཅིག་ཏུ་ཆོས་ཀྱི་སྐུ་མཚན་མ་མེད་པ་ཐོབ་ནས་སླར་ཡེ་ཤེས་ཀྱི་ཐུགས་རྗེ་ཆེན་པོས་འགྲོ་བའི་རྒྱུད་བཟུང་ཞིང་། པདྨ་དང་ཆོས་མཐུན་པའི་ཚུལ་དུ་གནས་པ་ལ་བྱ་སྟེ། དེ་དག་ཀྱང་རྣལ་འབྱོར་པ་དེའི་རིག་པའི་ཡེ་ཤེས་ལ། རྒྱུ་དང་འབྲས་བུ་དབྱེར་མེད་པར་དུས་གཅིག་ཏུ་ལྷུན་གྱིས་གྲུབ་ཅིང་རྫོགས་སོ་ཞེས་བྱའོ། །ཞེས་དང་། དཀོན་ཅོག་འགྲེལ་ལས། ཤེས་རབ་མཆོག་ཅེས་བྱ་བ་ནི་པདྨ་ཅན་གྱི་ས་སྟེ། འདི་ནི་ཐུན་མོང་མ་ཡིན་པའི་གཞུང་ཁ་ཅིག་ལས། ཆོས་ཀྱི་སྐུ་ཀུན་ཏུ་འོད་ཀྱི་ས་ལས་མ་གཡོས་བཞིན་དུ་མ་ཆགས་པའི་ཤེས་རབ་དང་མི་དམིགས་པའི་ཐུགས་རྗེ་དང་ལྡན་པ་ལ་བྱའོ། །ཞེས་ཟེར་རོ། །ཞེས་དང་། ཕྱོགས་བཅུའི་མུན་སེལ་ལས། སྤྲུལ་པ་སྐུའི་ས་ཀུན་ཏུ་འོད་དང་། ཤེས་རབ་རང་སྣང་དག་པ་ལོངས་སྤྱོད་རྫོགས་པ་པདྨ་ཅན་གྱི་ས་དང་། གཉིས་སུ་མེད་པ་ས་ཡི་མཆོག་འཁོར་ལོ་ཚོགས་ཆེན་ཆོས་ཀྱི་སྐུའི་སའོ། །སའི་རྣམ་གྲངས་དང་ཡོན་ཏན་གྱི་ཆོས་དེ་དག་ལ་སོགས་ཏེ་ཚད་མེད་ཅིང་བསམ་ཡས་ཀྱི་མཆོག་རྣམས་ཡོངས་སུ་རྫོགས་པའོ། །དེ་ལ་འདིར་སའི་ངོ་བོ་མི་ཤེས་པ་ཁ་ཅིག་ཀུན་ཏུ་འོད་ཆོས་སྐུ། པདྨ་ཅན་ལོངས་སྐུ། འཁོར་ལོ་ཚོགས་ཆེན་སྤྲུལ་སྐུར་འདོད་པ་དེ་ནི་དབྱིངས་མ་གོ་བའི་རྣམ་འགྱུར་ཏེ་གོང་ནས་གོང་གི་ཡོན་ཏན་གྱི་ཆ་ལ་བཏགས་པ་མ་མཐོང་བའོ། །དེའང་སྤྲུལ་པ་ཀུན་ཏུ་ཚད་མེད་པས་ཀུན་ཏུ་འོད་དང་། སྣང་བ་ཚད་མེད་པས་པདྨ་ཅན་དང་། ཡེ་ཤེས་ཚད་མེད་པས་འཁོར་ལོ་ཚོགས་ཆེན་ཏེ། དབྱིངས་སྐྱེ་བ་མེད་པ་ན་རང་བྱུང་འགགས་པ་མེད་པ་ཡི་གེའི་ས་བོན་ལྟར་འཕྲོ་གཞིར་གནས་པས་ཡི་གེ་འཁོར་ལོ་ཚོགས་ཆེན་ཞེས་བཤད་དོ། །ཡི་གེ་སྤྲིན་ནི་མ་ཡིན་ཏེ། གཉིས་སུ་མེད་པའི་ཆོས་སྐུ་ཡིན་པའི་ཕྱིར་རོ། །གཞན་དག་ཡི་གེ་འཁོར་ལོའི་སྒྲས་སྤྲུལ་པའི་རང་བཞིན་ཡི་གེ་སྤྲིན་དང་འཁྲུལ་པ་ཡིན་ནོ། །ཞེས་དང་། ཡེ་ཤེས་ཀྱི་སྣང་བ་དང་ཐུགས་རྗེ་ཆེན་པོས་ཆགས་པ་མེད་པས་བཅུ་གཉིས་མ་ཆགས་པདྨ་ཅན་གྱི་ས། ཞེས་གསུངས།
Domain	ཆོས་ལུགས།