51114

མགུལ་ (1)

Part of speech	མིང་ཚིག
Definition	མཚམས་རེར་རི་བོ་སོགས་ཀྱི་སྐེ་ལ་གོ་བའི་སྐབས་ཀྱང་ཡོད་དེ།
Example	རྗེ་མི་ལ་རས་པའི་མགུར་འབུམ་ལས། རི་དེ་ཡི་མགུལ་ན་གདུལ་བྱ་ཡོད། །ཁྱེད་དེ་རུ་སོང་ལ་འགྲོ་དོན་གྱིས། །ཞེས་པ་ལྟ་བུ།

མགུལ་ (2)

Part of speech	མིང་ཚིག
Definition	སྐེ་ཡི་མིང་སྟེ། མགུལ་པ་ཞེས་པའི་མིང་མཐའི་པ་ཡིག་བསྡུས་ནས་མགུལ་ཞེས་བྲིས་པའོ། །
Example	ཨ་མའི་མགུལ་ནས་འཁྱུད་དེ་མིག་ཆུ་ཞམ་ཞམ་དུ་བཞུར་ལྟ་བུ།
Type	ཞེ་ས།

མགུལ་ (3)

Part of speech	མིང་ཚིག
Definition	མིང་འགའ་ཤས་ཀྱི་སྔོན་དུ་སྦྱར་ན་ཞེ་སའི་ཚིག་ཏུ་འགྱུར་བ་ཡོད་དེ།
Example	མགུལ་ཆམ་བཞེས་ལྟ་བུ་ནི་རང་ལས་ལོ་ན་རྒན་པ་དང་དགེ་རྒན་སོགས་ལ་ཆམ་པ་ཕོག་པ་ལ་ཟེར།