51326

མགོན་ཀྱཱ་གྲགས་པ་རྒྱལ་མཚན་ (1)

Part of speech

མིང་ཚིག

Definition

རབ་བྱུང་བཅུ་གཉིས་པའི་ལྕགས་ཁྱི་ཕྱི་ལོ་ ༡༧༣༠ ལོར་འཁྲུངས། སྐུ་འབུམ་རྒྱུད་པའི་མཁན་ཁྲིར་བཞུགས། རྒྱུད་པའི་འདུ་ཁང་ཀ་བ་དྲུག་ཅུ་པ་གསར་བསྐྲུན་མཛད། རབ་བྱུང་བཅུ་གསུམ་པའི་ས་བྱི་ཕྱི་ལོ་ ༡༧༦༧ ལོར་སྐུ་འབུམ་གདན་སའི་ཁྲིར་བྱོན། གདན་ས་ལོ་ངོ་བཅུའི་རིང་བསྐྱངས། འགྲིག་ལམ་དང་། ཀུན་སྤྱོད། འཆད་ཉན་བཅས་ལ་དོ་དམ་གནང་། རབ་བྱུང་བཅུ་གསུམ་པའི་མེ་སྤྲེལ་ཕྱི་ལོ་ ༡༧༧༥ ལོར་ཨ་ཀྱཱ་བློ་བཟང་བསྟན་པའི་རྒྱལ་མཚན་དང་། ཐུའུ་བཀྭན་བློ་བཟང་ཆོས་ཀྱི་ཉི་མ། ལ་སར་ཏཱ་བླ་མ་བློ་བཟང་ཆོས་དར་རྣམས་ཀྱི་མཐུན་རྐྱེན་འོག་ཚོགས་ཆེན་འདུ་ཁང་རྒྱ་བསྐྱེད་མཛད། ར་ཁོ་དཔོན་པོ་སངས་རྒྱས་ལྷུན་གྲུབ་ཀྱིས་ཚོགས་ཁང་དུ་བདེ་གཤེགས་མཆོད་རྟེན་བརྒྱད་བཞེངས། བྱང་གི་བྱང་ཆུབ་མཆོད་རྟེན་ཆེན་མོ་ཞིག་གསོས་མཛད། སྐུ་འབུམ་རྒྱུད་པ་མཁན་པོའི་ཁྲི་རབས་ཉེར་དྲུག་པ་དང་། སྐུ་འབུམ་དགོན་གྱི་གདན་རབས་ཁྲི་ཆེན་སོ་གཅིག་པ་ཡིན།