51352

མགོན་པོ་སྐུ་རགས་མའི་ཁྲིད་ (1)

Part of speech	མིང་ཚིག
Definition	མགོན་པོ་སྐུ་རགས་མའི་ཟབ་ཁྲིད་འདི་ཉིད་ཇོ་ནང་ཀུན་དགའ་གྲོལ་མཆོག་གིས་འཕགས་བོད་ཀྱི་རིས་སུ་མ་ཆད་པའི་མཁས་གྲུབ་རྣམས་ཀྱི་ཟབ་ཁྲིད་བརྒྱ་དང་བརྒྱད་ཕྱོགས་གཅིག་ཏུ་བསྡུས་པའི་ཟབ་ཁྲིད་ཀྱི་རིམ་པ་བརྒྱ་དང་གཅིག་པ་ཡིན། བརྗོད་བྱ་ནི། དཔལ་ཡེ་ཤེས་ཀྱི་མགོན་པོ་ཕྱག་བཞི་བ་གཙོ་འཁོར་གསུམ་གྱི་བསྐྱེད་བཟླས་ཀྱི་དམིགས་རིམ་མདོར་བསྡུས་ཏེ་བསྟན་ཡོད། བརྒྱུད་རིམ་ནི། རྡོ་རྗེ་འཆང་དབང་ཀླུ་སྒྲུབ་འཕགས་པ་ལྷ། རྟ་དབྱངས་རྡོ་རྗེ་གདན་པ་ཙཱ་མི་དང་། དཔལ་ཆེན་རྒྭ་ལོ་ཨ་སེང་རྡོ་རྗེ་རྒྱལ། རྒྱལ་བ་རིན་ཆེན་འོལ་ཁ་བླ་མ་དང་། དགེ་སློང་རིན་རྒྱལ་སློབ་དཔོན་རྡོར་རིན་པ། མགོན་གཞོན་སེང་གེ་རྒྱལ་མཚན་དབོན་རྒྱལ་མཆོག གྲགས་པ་བློ་གྲོས་ངག་དབང་གྲགས་པ་དང་། ཚུལ་ཁྲིམས་མཆོག་གྲུབ་སྟག་ལུང་སྤྲུལ་པའི་སྐུ། ཞེས་སོགས་བྱུང་། རྗེ་བཙུན་གྲོལ་མཆོག་ཆོས་སྐུ་ལྷ་དབང་གྲགས། ཞེས་པ་ནས། འཇིགས་མེད་རྡོ་རྗེ་རྣམས་ལ་གསོལ་བ་འདེབས། །ཞེས་པའི་བར་ནི་སྤྱན་རས་གཟིགས་ཀྱི་ཁྲིད་ལྟར་དང་། ཟབ་ཁྲིད་འདི་ནི་གཞུང་དེ་ཉིད་ལས། ཡིག་སྙིང་ནང་ལྟར་བཏུས་ཏེ་བྲིས་པའོ། །ཞེས་འབྱུང་ངོ་། །
Domain	ཆོས་ལུགས།