51551

མངའ་བདག་མཻ་ཏྲི་པ་ (1)

Part of speech

མིང་ཚིག

Definition

པཎྜི་ཏ་རྒྱལ་བའི་ལྷ་སྐུ། ཚེ་འཕོས་ནས་རིང་ཞིག་ན། ཡུལ་དབུས་ཀྱི་གྲོང་ཁྱེར་གྲ་བྱི་ལར་བྲམ་ཟེའི་རིགས་སུ་འཁྲུངས། མཚན་དྷརྨ། སྐྱེས་སྟོབས་ཀྱི་ཤེས་རབ་ཆེ་བས། སྒྲ་པཱ་ཎི་བྱཱ་ཀ་ར་ཎ་དང་། མུ་སྟེགས་བྱེད་ཀྱི་གྲུབ་མཐའ་སོགས་ལ་མཁས་པས། མཚན་དབྱུག་གུ་གསུམ་པར་གྲགས། ཁོང་གི་ཨ་ནེ་ནཱ་རོ་པའི་ཕྱག་རྒྱ་ཡིན་པ་དེས་ཁྲིད་དེ་ནཱ་རོ་པ་དང་སྤྲད། དེར་བསྟན་པ་རྒྱན་དུ་བཙུགས་ནས་རྩོད་པས། ནཱ་རོ་པ་རྒྱལ་ཏེ། མུ་སྟེགས་ཀྱི་རྟགས་བསྒྱུར་རབ་ཏུ་བྱུང་། དྷརྨ་བྷོ་དྷི་ཞེས་བཏགས། བདེ་དགྱེས་སོགས་དབང་བསྐུར། མཚན་ཉིད་དང་རྒྱུད་སྡེ་དུ་མར་བསླབས། ཁྱོད་ཕྱག་རྒྱ་མ་གཅིག་བསྟེན་ལ་ནགས་ཁྲོད་དུ་སྒོམས་ཤིག་གསུངས་པས། བདག་མུ་དྲའང་མི་འཚལ། ནགས་ཁྲོད་དུ་མི་སྒོམ། ཐོས་པ་ཕུལ་བྱུང་ཞིག་བགྱིད་པར་ཞུས་པས། སློབ་དཔོན་ཏྲི་ཏ་ཙིནྟ་མ་ཎི་ལ་སྦྱར། དེར་སེམས་ཙམ་ལོ་གཅིག་གསན། དེ་ནས་ཤཱནྟི་པ་མཇལ་ནས་བསྙེན་པར་རྫོགས། མཚན་མཻ་ཏྲི་གུཔྟ་ཞེས་བཏགས་ཏེ། སྡེ་སྣོད་གསུམ་སྦྱངས། མཻ་ཏྲི་པས་རབ་ཏུ་མི་གནས་པ་བཟུང་། ཤཱནྟི་པས་རྣམ་རྫུན་པ་བཟུང་སྟེ་འབེལ་གཏམ་བྱས་པས། མཻ་ཏྲི་པ་རིག་པ་བཟང་། རྨི་ལམ་དུ་རྗེ་བཙུན་སྒྲོལ་མ་དང་སྤྱན་རས་གཟིགས་ཀྱིས་བསྐུལ་ཏེ། ལྷོ་ཕྱོགས་སུ་རྣལ་འབྱོར་གྱི་དབང་ཕྱུག་ཤ་བ་རི་ཡབ་ཡུམ་མཇལ་བར་ལྷོ་ནུབ་ཤྲཱི་དྷ་ནྱཱ་ཀ་ཊ་ཀ་དང་། དབུས་ནི་དཔལ་གྱི་རི། གཡས་གཡོན་ཡིད་ཕམ་པའི་རི་དང་སེམས་ངལ་གསོ་བའི་རི། བར་ན་སྨྱོ་ཆུ་དང་དུག་ཆུ་ཡོད་པ་ལ་རིང་དུ་བཙལ་བས་མ་རྙེད། རི་གསུམ་པོ་དེ་ལ་གླིང་བདུན་ཡོད་པས། རྨི་ལམ་བཏབ་པའི་གླིང་། ཞལ་མཇལ་བའི་གླིང་། བརྡ་བསྟན་པའི་གླིང་། དབང་བསྐུར་བའི་གླིང་རྣམས་སུ་བྱོན་པའི་མཐར། ཆོས་བཤད་པའི་གླིང་དུ་མཇལ་ནས། ནམ་མཁའ་ལྟ་བུའི་རྒྱུད་རྙོག་པ་མེད་པ། རྒྱ་མཚོ་ལྟ་བུའི་རྒྱུད་གསང་བ་འདུས་པ། ཡེ་ཤེས་ལྟ་བུའི་རྒྱུད་དགྱེས་པ་རྡོ་རྗེ། བྱིན་རླབས་ལྟ་བུའི་རྒྱུད་འཁོར་ལོ་སྡོམ་པ། ལྡེ་མིག་ལྟ་བུའི་རྒྱུད་མཚན་བརྗོད། དོན་མཐར་ཐུག་སྟོན་པ་གྲུབ་སྙིང་གི་སྐོར་ཐམས་ཅད་ཞག་བཅུ་གཉིས་ལ་བསྩལ་བས་གཟོད་ཡིད་ཆེས། ཨ་ཝ་དྷཱུ་ཏཱི་པ་ཞེས་མཚན་ཐོགས། ཁྱོད་ང་ལ་ཐེ་ཚོམ་ཟོས་པས། ཚེ་འདི་ལ་མཆོག་གི་དངོས་གྲུབ་མི་ཐོབ། འཆི་ཁར་རྡོ་རྗེ་རྣལ་འབྱོར་མས་བསུས་ཏེ། བར་དོར་མཆོག་གི་དངོས་གྲུབ་ཐོབ་པར་འགྱུར་རོ། །ཞེས་ལུང་བསྟན་ཏེ་མི་སྣང་བར་གྱུར་ཏོ། །མུ་སྟེགས་ཀྱི་སྟོན་པ་མ་ཏྲང་སེ་ན་དང་རྩོད་པ་རྒྱལ་བས། རྒྱལ་བ་ཞེས་གྲགས། རྡོར་གདན་དུ་དུས་མཆོད་ཀྱི་སྦྱིན་བདག་མཛད་པས། མངའ་བདག་རྒྱལ་བ་མཻ་ཏྲི་པ་ཞེས་གྲགས། རྒྱ་གར་ཤར་ཕྱོགས་རི་བོ་མེ་ལྟར་འབར་བའི་དུར་ཁྲོད་དུ་དགོན་པ་བཏབ་ཏེ། མཐར་དགུང་ལོ་བདུན་ཅུ་རྩ་ལྔ་པ་ལ། དེ་ཉིད་དུ་མཁའ་འགྲོ་མས་བསུས་ཏེ་མྱ་ངན་ལས་འདས། སློབ་མ་གཙོ་བོ་ཆེ་བཞི། འབྲིང་པོ་བདུན། ཆུང་བ་བཅུ་སྟེ་ཉི་ཤུ་རྩ་གཅིག ཀ་རོ་པ། ཕྱག་ན། མར་པ། བལ་པོ་ཤཱི་ལ་བྷ་རོ་རྣམས་ལ་ཐུགས་ཀྱི་སྲས་བཞི་ཞེས་བྱའོ། །

{{#arraymap:མངའ་བདག་མཻ་ཏྲི་པ་

|; |@@@ | | }}