51615

མངལ་ནས་སྐྱེས་པའི་ལུས་ལ་ནད་སྐྱེས་པའི་སྲིན་བུ་བཅུ་ (1)

Part of speech

མིང་ཚིག

Definition

ལུས་དྲན་པ་ཉེ་བར་གཞག་པ་ལས་བྱུང་བ་སྟེ། སྤུ་ཟ་བ་ཞེས་བྱ་བའི་སྲིན་རབ་ཏུ་ཁྲོས་པར་གྱུར་ན། སྨིན་མ་དང་མིག་གཉིས་ཀྱིའམ། ཁ་སྤུ་དང་བ་སྤུ་ལ་སོགས་པ་རྣམས་ཟ་བར་བྱེད་དོ། །དེའི་སྐྱོན་གྱིས་མཛེར་འགྱུར་རོ། །དེ་ལ་འདིར་འབིགས་བྱེད་ཅེས་བྱ་བའི་སྲིན་རབ་ཏུ་ཁྲོས་པར་གྱུར་ན། དེ་ཁྲག་རྒྱུ་བའི་རྒྱུན་དུ་སོང་ནས་ལུས་ཐམས་ཅད་འཁྲུག་པར་བྱེད་དོ། །ཛནྟུ་མཱནྡ་ར་ཞེས་བྱ་བའི་སྲིན་དེས་ནི། ཁྲག་རྒྱུ་བའི་རྒྱུན་རྣམས་དྲི་ངན་པར་སྐྱེད་པར་བྱེད་དོ། །ཁ་དང་སྣ་བུག་གཉིས་སུ་ཨུ་དུམ་ཝ་ར་ཞེས་བྱ་བའི་སྲིན་གྱིས་ཏེ། དེ་ནི། ཁྲག་གི་སྲིན་ཡིན་པས་དེ་ཁྲག་ལ་རབ་ཏུ་ཁྲོ་ཞིང་རྣམ་པར་སྡང་བས་འབྲུམ་བུ་དང་འབྲུམ་བུ་ཕྲ་མོ་དང་སྐེལ་ཕོལ་དུ་བྱེད་དོ། །ཀུན་ཏུ་འཛིམ་བྱེད་ཅེས་བྱ་བའི་སྲིན་དེ་ནི། ཁྲག་གི་རྒྱུན་དུ་རབ་ཏུ་ཁྲོས་པར་གྱུར་ན་མཆིན་པ་དང་ཁྲག་དང་མཁྲིས་པ་སྐྱེད་དོ། །སྤུའི་གླིང་ཞེས་བྱ་བའི་སྲིན་དེ་ཁྲག་གི་རྒྱུན་དུ་སོང་བར་གྱུར་ནས་ཤིན་ཏུ་ཁྲོས་པས་ནད་འདི་དག་རྣམས་ཕུལ་དུ་བྱེད་དོ། །འདི་ལྟ་སྟེ། གཡན་པ་དང་མིག་སེར་དང་འབྲུམ་བུ་དང་མོ་བྱ་ལང་རྣམས་སོ། །ཁྲག་ལ་རབ་ཏུ་ཁྲོ་བ་ཞེས་བྱ་བའི་སྲིན་དེ་ཁྲག་གི་རྒྱུན་དུ་སོང་བར་གྱུར་ནས་ནད་འདི་དག་རྣམས་བྱེད་དོ། །འདི་ལྟ་སྟེ། མཛེར་གྱུར་བ་དང་འདོད་ཆགས་ཀྱི་ནད་གཞན་ཡང་བུད་མེད་ལའང་ཁྲག་གིས་གཡའ་བར་གྲགས་པ་དང་ཁྱེམ་རྣམས་སོ། །ཁྲག་ཟ་བ་ཞེས་བྱ་བའི་སྲིན་དེ་ཁྲག་གི་ནད་འདི་དག་རྣམས་བྱེད་དོ། །འདི་ལྟ་སྟེ། མགོ་འཁོར་བ་དང་སྐེ་འགུལ་པ་དང་གཞང་སྨིན་པར་བྱེད་པའོ། །རབ་རིབ་བྱེད་པ་ཞེས་བྱ་བའི་སྲིན་དེ་ཁྲག་གི་རྒྱུན་གྱི་གསེབ་ཏུ་སོང་བར་གྱུར་ནས་ནད་འདི་རྣམས་བྱེད་དོ། །འདི་ལྟ་སྟེ། དལ་བ་དང་རེངས་པ་དང་རྒྱུན་དྲག་ཏུ་འབྱུང་བ་དང་དེ་དག་མི་བདེ་བ་རྣམས་སོ། །གང་ཡང་དེ་དག་རྣམས་ནི། ཁྲག་ལ་རབ་ཏུ་གནས་པའི་སྲིན་འཁོར་དང་བཅས་པ་རྣམས་ཐམས་ཅད་ཀྱིས་ཡིན་ནོ། །