51745

མངོན་པར་རྟོགས་པའི་དོན་ཡིད་ལ་བྱེད་པ་ (1)

Part of speech	མིང་ཚིག
Definition	མདོ། ཕར་ཕྱིན། མངོན་པར་རྟོགས་པའི་དོན་ཡིད་ལ་བྱེད་པ་ནི། ཡུལ་རྟོགས་པའི་བློའི་རྒྱུན་དེ་ཉིད་གོམས་པར་བྱེད་པ་སྟེ། ཚད་མེད་པ་བཞི་བསྒོམ་པ་བཞིན་ནོ། །སྙིང་པོའི་དོན་ཡིད་ལ་བྱེད་པ་དང་འདི་གཉིས་པོ་ཡང་ལྡོག་པའི་དབྱེ་བས་ཕྱེ་བ་ཡིན་གྱི། རྫས་ཐ་དད་པ་ནི་མ་ཡིན་ཏེ། མཁྱེན་གསུམ་གྱི་རྟོགས་རིགས་བསྒོམ་པའི་ལྡོག་པ་ནས་མངོན་པར་རྟོགས་པ་ཡིད་ལ་བྱེད་པ་དང་། སྐྱེ་མེད་གསུམ་བསྒོམ་པའི་ལྡོག་པ་ནས་སྙིང་པོའི་དོན་ཡིད་ལ་བྱེད་པའི་བསྒོམ་རིམ་དུ་བསྟན་པ་ཙམ་ཡིན་པའི་ཕྱིར། བསྟན་ཚུལ་ནི་མི་འདྲ་སྟེ། ཀླུ་སྒྲུབ་ཀྱིས་སྙིང་པོའི་དོན་བསྒོམ་པའི་ལྡོག་པ་ནས་བསྟན་ལ། འདིར་བྱམས་པས་མངོན་པར་རྟོགས་པ་ཡིད་ལ་བྱེད་པའི་ལྡོག་པ་ནས་བསྟན་པའི་ཕྱིར་རོ། །ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། །
Domain	ཆོས་ལུགས།