51752

མངོན་པར་རྟོགས་པའི་རྒྱན་གྱི་འགྲེལ་བ་ (1)

Part of speech

མིང་ཚིག

Definition

ཕར་ཕྱིན་སྐོར། མཚན་གྱི་རྣམ་གྲངས་གཞན་ནི། ཕར་ཕྱིན་མདོ་ལུགས་མ་ཞེས་ཀྱང་གྲགས། མཛད་པ་པོ་ཇོ་ནང་རྟོན་པ་བཞི་ལྡན། གཞུང་ཚད་ལ་པོད་གཅིག་བཞུགས། མཛད་པའི་དུས་ནི་གསལ་བོར་བཀོད་མེད་ཀྱང་། ཚུལ་ཁྲིམས་རྒྱལ་མཚན་གྱིས་མཛད་པའི་དུས་འཁོར་བརྒྱུད་པའི་ལོ་རྒྱུས་སྐལ་བཟང་རྣ་བའི་དགའ་སྟོན་དུ། སྟག་ལོ་ལ་ལོ་ཙཱ་བ་བློ་གྲོས་དཔལ་གདན་སར་བསྐོས། གཟིམ་ཁང་བདེ་བ་ཅན་དུ་བཞུགས་ནས་རི་ཆོས་ངེས་དོན་རྒྱ་མཚོ། མངོན་རྟོགས་རྒྱན་དང་། རྒྱུད་བླའི་ཊཱིཀྐ་རྣམས་མཛད། ཅེས་གསུངས་པ་ལྟར་ན་དགུང་ལོ་ཞེ་དྲུག་ནས་དྲུག་ཅུ་རེ་གཉིས་བར་ཁེལ་འདུག