51767

མངོན་པར་ཤེས་པ་ཆེན་པོ་དྲུག་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། མངོན་པར་ཤེས་པ་ཆེན་པོ་དྲུག་ནི། འདུལ་བ་རྣམ་པ་བཞིའི་ཡ་གྱལ་ཏེ། དཀོན་ཅོག་འགྲེལ་ལས། འདུལ་བ་རྣམ་པ་བཞིས་འགྲོ་བ་རྣམ་ལྔའི་དོན་མཛད་དེ་ཞེས་བྱ་བ་ལ། འདུལ་བ་རྣམ་པ་བཞི་ནི། བསོད་ནམས་ཀྱིས་འདུལ་བ་དང་། རྫུ་འཕྲུལ་གྱིས་འདུལ་བ་དང་། རིག་པས་འདུལ་བ་དང་། མངོན་སུམ་པས་འདུལ་བ་ཞེས་སྤྱིར་གྲགས་སོ། །འདི་ཉིད་ལས་ནི། མཛད་པ་ཆེན་པོ་བརྒྱད་དང་། མངོན་པར་ཤེས་པ་ཆེན་པོ་དྲུག་དང་། བསམ་གྱིས་མི་ཁྱབ་པ་བཞི་དང་། ཐེག་པ་ལྔའི་སྒོ་ནས་འདུལ་བར་གསུངས་ཏེ། དེ་ཡང་སྤྱིར་དོན་མཐུན་པར་སྣང་སྟེ། མཛད་པ་བརྒྱད་ཀྱིས་འདུལ་བ་ནི་བསོད་ནམས་ཐུན་མོང་མ་ཡིན་པར་འཕགས་པར་བསྟན་པ་ཡིན་ནོ། །མངོན་པར་ཤེས་པ་དྲུག་ནི་དོན་ཐམས་ཅད་མངོན་སུམ་དུ་གྱུར་པས་འདུལ་བའོ། །བསམ་གྱིས་མི་ཁྱབ་པ་བཞི་ནི་རྫུ་འཕྲུལ་སྣ་ཚོགས་སུ་བསྟན་པས་འདུལ་བའོ། །ཐེག་པ་ལྔ་ནི་རིག་པ་དང་ལྡན་པའི་ཆོས་བསྟན་པ་སྟེ། དེ་བས་ན་དེ་དག་ཀྱང་གཞི་མཐུན་པར་འགྱུར་རོ། །ཞེས་གསུངས།
Domain	ཆོས་ལུགས།