51769

མངོན་པར་ཤེས་པ་དཀའ་བ་དང་བུལ་བའི་ལམ་བཞི་ (1)

Part of speech	མིང་ཚིག
Definition	མདོ། མངོན་པ། མདོ་ལས། དགེ་སློང་དག་ལམ་ནི་རྣམ་པ་བཞི་སྟེ། མངོན་པར་ཤེས་པ་བུལ་ལ་དཀའ་བའི་ལམ་དང་། མངོན་པར་ཤེས་པ་མྱུར་ལ་དཀའ་བའི་ལམ་དང་། མངོན་པར་ཤེས་པ་བུལ་ལ་སླ་བའི་ལམ་དང་། མངོན་པར་ཤེས་པ་མྱུར་ལ་སླ་བའི་ལམ་མོ་ཞེས་གསུངས་པ་དེ་ལ་བསམ་གཏན་གྱི་དངོས་གཞི་བཞི་ལ་བརྟེན་པ་དག་གི་ལམ་རྣམས་ནི་གོམས་པར་སླ་བ་ཡིན་ཏེ། ཡན་ལག་གིས་ཡོངས་སུ་ཟིན་པ་དང་། ཞི་གནས་དང་ལྷག་མཐོང་ཆ་མཉམ་པར་འཇུག་པས་འབད་མི་དགོས་པར་ངང་གིས་འཇུག་པའི་ཕྱིར་རོ། །ས་གཞན་མི་ལྕོགས་མེད་དང་བསམ་གཏན་ཁྱད་པར་ཅན་དང་གཟུགས་མེད་པ་རྣམས་ལ་བརྟེན་པ་དག་གི་ལམ་རྣམས་ནི་གོམས་པར་དཀའ་བ་ཡིན་ཏེ། གཟུགས་མེད་ཐམས་ཅད་ཀྱང་ཡན་ལག་གིས་མ་ཟིན་པའི་ཕྱིར་དང་། དང་པོ་གཉིས་ལྷག་མཐོང་ཤས་ཆེ་ལ་གཟུགས་མེད་ཞི་གནས་ཤས་ཆེ་བས་འབད་པས་བསྒྲུབ་དགོས་པའི་ཕྱིར་རོ། །གང་ཟག་བློ་གྲོས་རྟུལ་པོ་ནི་ལམ་དཀའ་འམ་སླ་ཡང་རུང་སྟེ་ཤེས་བྱ་མངོན་པར་ཤེས་པ་བུལ་བ་ཡིན་ལ། བློ་གྲོས་རྟུལ་པོ་ལས་ཅིག་ཤོས་རྣོན་པོ་རྣམས་ཀྱི་ནི་ལམ་དཀའ་འམ་སླ་ཡང་རུང་སྟེ་ཤེས་བྱ་མངོན་པར་ཤེས་པ་མྱུར་བ་ཡིན་ནོ། །དེས་ན་དབང་པོ་རྣོན་པོ་ས་གཞན་ལ་བརྟེན་པ་ནི་ལམ་དཀའ་ལ་མངོན་ཤེས་མྱུར་བ་དང་། དབང་པོ་རྟུལ་པོ་བསམ་གཏན་གྱི་དངོས་གཞི་ལ་བརྟེན་པ་ནི་ལམ་སླ་ལ་མངོན་ཤེས་བུལ་བ་དང་། དབང་པོ་རྣོན་པོ་བསམ་གཏན་གྱི་དངོས་གཞི་ལ་བརྟེན་པ་ནི་ལམ་ཡང་སླ་ལ་མངོན་ཤེས་ཀྱང་མྱུར་བ་དང་། དབང་པོ་རྟུལ་པོ་ས་གཞན་ལ་བརྟེན་པ་ནི་ལམ་ཡང་དཀའ་ལ་མངོན་ཤེས་ཀྱང་བུལ་བ་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།