51771

མངོན་པར་ཤེས་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། འདི་ལྟར་སྔོན་གྱི་གནས་རྗེས་སུ་དྲན་པས་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། ལྷའི་རྣ་བ་སྒྲིབ་པ་མེད་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། སེམས་ཅན་ཕ་རོལ་དང༌། གང་ཟག་ཕ་རོལ་གྱི་སེམས་དང༌། སྤྱོད་པ་བསམ་གྱིས་མི་ཁྱབ་པ་ཡོངས་སུ་ཤེས་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། ལྷའི་མིག་ཐོགས་པ་མེད་པས་རྣམ་པར་བལྟ་བ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། རྫུ་འཕྲུལ་དང༌། རྣམ་པར་འཕྲུལ་པ་ཆེན་པོའི་བྱིན་གྱི་རླབས་ཀྱིས་སེམས་ཅན་རྣམས་ཀྱི་བསམ་པ་བསམ་གྱིས་མི་ཁྱབ་པ་ཇི་ལྟ་བ་བཞིན་དུ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། འཇིག་རྟེན་གྱི་ཁམས་བསམ་གྱིས་མི་ཁྱབ་པར་ལུས་ཡོངས་སུ་བསྟན་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། འཇིག་རྟེན་གྱི་ཁམས་བརྗོད་དུ་མེད་པར་སེམས་སྐད་ཅིག་གིས་འགྲོ་བ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། འཇིག་རྟེན་གྱི་ཁམས་བསམ་གྱིས་མི་ཁྱབ་པ་བརྒྱན་པར་བྱིན་གྱིས་བརླབ་པ་ལ་མཁས་ཤིང་ཤེས་པའི་མངོན་པར་ཤེས་པ། ལུས་ཀྱི་རྒྱུད་བརྗོད་དུ་མེད་པར་སྤྲུལ་པ་ཡོངས་སུ་བསྟན་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ། འཇིག་རྟེན་གྱི་ཁམས་བརྗོད་དུ་མེད་པར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ། །ཞེས་བྱ་བར་སེམས་ཅན་གྱི་བསམ་པ་བསམ་གྱིས་མི་ཁྱབ་པ་ཇི་ལྟ་བ་བཞིན་དུ་ཡོངས་སུ་བསྟན་པ་ལ་མཁས་ཤིང་ཤེས་པའི་མངོན་པར་ཤེས་པའོ། །
Domain	ཆོས་ལུགས།