51778

མངོན་པར་ཤེས་པ་ལ་རྣམ་པར་འཕྲུལ་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། འདི་ལྟར་འཇིག་རྟེན་གྱི་ཁམས་ཐམས་ཅད་དུ་ལུས་ཡོངས་སུ་སྟོན་ཀྱང༌། ལུས་གཅིག་ཏུ་དམིགས་པའི་མངོན་པར་ཤེས་པ་ལ་རྣམ་པར་འཕྲུལ་བ། དེ་བཞིན་གཤེགས་པ་གཅིག་གི་འཁོར་གྱི་དཀྱིལ་འཁོར་དུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དང༌། ཆོས་བསྟན་པ་ཡོངས་སུ་འཛིན་པའི་མངོན་པར་ཤེས་པ་ལ་རྣམ་པར་འཕྲུལ་བ། སེམས་ཅན་གཅིག་གི་སེམས་ལ་དམིགས་པས་བྱང་ཆུབ་ཀྱི་རྒྱུད་བརྗོད་དུ་མེད་པ་རྣམ་པར་འཚང་རྒྱ་ཞིང་སེམས་ཅན་ཐམས་ཅད་ཀྱི་སེམས་ཀྱིས་གོ་བར་བྱེད་པའི་མངོན་པར་ཤེས་པ་ལ་རྣམ་པར་འཕྲུལ་བ། དབྱངས་གཅིག་གིས་འཇིག་རྟེན་གྱི་ཁམས་ཐམས་ཅད་དུ་གོ་བར་བྱེད་ཅིང་། སྒྲ་རྣམ་པ་ཐ་དད་པ་ཐམས་ཅད་དུ་ཤེས་པར་བྱེད་པས། སེམས་ཅན་གཞན་གྱི་སེམས་ཀྱི་རྒྱུད་དུ་ཕྱིན་པར་བྱེད་པའི་མངོན་པར་ཤེས་པ་ལ་རྣམ་པར་འཕྲུལ་བ། འགྲོ་བ་ཐམས་ཅད་ཀྱི་སྔོན་གྱི་མཐའི་མུར་ཐུག་པའི་བསྐལ་བ། སེམས་ཀྱི་སྐད་ཅིག་གཅིག་གིས་རྗེས་སུ་དྲན་ཞིང་ཤེས་པས། ལས་ཀྱི་འབྲས་བུ་རྣམ་པར་སྨིན་པ་ཇི་ལྟ་བ་བཞིན་དུ་མངོན་སུམ་དུ་སྟོན་ཅིང༌། སེམས་ཅན་གྱི་གོ་བར་བྱེད་པའི་མངོན་པར་ཤེས་པ་ལ་རྣམ་པར་འཕྲུལ་བ། འཇིག་རྟེན་གྱི་ཁམས་ཐམས་ཅད་བརྒྱན་པར་བྱ་བའི་མངོན་པར་ཤེས་པ་ལ་རྣམ་པར་འཕྲུལ་བ། དུས་ཐམས་ཅད་མཉམ་པ་ཉིད་དུ་འཇུག་པའི་མངོན་པར་ཤེས་པ་ལ་རྣམ་པར་འཕྲུལ་བ། སངས་རྒྱས་ཐམས་ཅད་ཀྱི་བྱང་ཆུབ་ཏུ་སྤྱོད་པའི་སྨོན་ལམ་ཡང་དག་པར་བསྐྱེད་བ་དང༌། ཆོས་ཀྱི་སྣང་བ་རབ་ཏུ་དགྱེ་བའི་མངོན་པར་ཤེས་པ་ལ་རྣམ་པར་འཕྲུལ་བ། ལྷ་དང༌། ཀླུ་དང༌། གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་འཕྱེ་ཆེན་པོ་དང༌། བརྒྱ་བྱིན་དང༌། ཚངས་པ་དང༌། འཇིག་རྟེན་གྱི་མགོན་པོ་ཐམས་ཅད་ཀྱིས་མངོན་པར་ཤེས་པ་ལ་རྣམ་པར་འཕྲུལ་བ། ཉན་ཐོས་དང༌། རང་སངས་རྒྱས་དང༌། བྱང་ཆུབ་སེམས་དཔའ་དང༌། དེ་བཞིན་གཤེགས་དཔའི་སྟོབས་བཅུ་དང༌། བྱང་ཆུབ་སེམས་དཔའི་དགེ་བའི་རྩ་བ་ཐམས་ཅད་ཀྱིས་ཡོངས་སུ་བསྲུང་བའི་མངོན་པར་ཤེས་པ་ལ་རྣམ་པར་འཕྲུལ་བའོ། །
Domain	ཆོས་ལུགས།