From Rangjung Yeshe Wiki - Dharma Dictionary
Jump to navigation
Jump to search
མངོན་སུམ་ (1)
| Part of speech
|
མིང་ཚིག
|
| Definition
|
འཁྲུལ་བ་མིན་པའི་དངོས་གནས་ཀྱི་དོན་ཏེ།
|
| Example
|
རིགས་ལམ་མངོན་སུམ་གྱིས་བསལ་བ། བྱས་རྗེས་མངོན་སུམ་དུ་བཞག་པ། སྔར་གྱི་ལོ་རྒྱུས་རྣམས་མངོན་སུམ་དུ་མཚོན་ལྟ་བུ།
|
མངོན་སུམ་ (2)
| Part of speech
|
མིང་ཚིག
|
| Definition
|
ལྐོག་གྱུར་མིན་པའི་ཐད་ཀའི་དོན་ཏེ།
|
| Example
|
མིག་གིས་མངོན་སུམ་དུ་མཐོང་བ། ཚིག་རྩུབ་མངོན་སུམ་དུ་བརྗོད་པ། མངོན་སུམ་དུ་སྐྱོན་བརྗོད་བྱེད་ལྟ་བུ།
|
མངོན་སུམ་ (3)
| Part of speech
|
མིང་ཚིག
|
| Definition
|
རྟོག་པ་བྲལ་ཞིང་མ་འཁྲུལ་བའི་རིག་པ། དེ་ལ་དབང་པོ་མངོན་སུམ། ཡིད་ཀྱི་མངོན་སུམ། རྣལ་འབྱོར་མངོན་སུམ། རང་རིག་མངོན་སུམ་དང་བཞི་ཡོད།
|
| Domain
|
ཚད་མ།
|
མངོན་སུམ་ (4)
| Part of speech
|
མིང་ཚིག
|
| Definition
|
མངོན་སུམ་གྱི་མཚན་ཉིད་ནི། ལོག་རྟོག་སེལ་བའི་དབང་དུ་བྱས་ན་རྟོག་བྲལ་མ་འཁྲུལ་བའི་རིག་པའམ། རིགས་མི་མཐུན་སེལ་བའི་དབང་དུ་བྱས་ན། མ་འཁྲུལ་བའི་རིག་པ་དེ། མངོན་སུམ་གྱི་མཚན་ཉིད་ཡིན་ཞིང་། དེ་ཉིད་མངོན་སུམ་ཚད་མའི་མཚན་ཉིད་ཀྱང་ཡིན་ཏེ། རྣམ་ངེས་ལས། མངོན་སུམ་རྟོག་བྲལ་མ་འཁྲུལ་བ། །ཞེས་གསུངས་པའི་ཕྱིར། དེ་ཉིད་ཚད་མ་ཡིན་པའི་དབང་དུ་བྱས་ནས། མངོན་སུམ་ཚད་མ་ལ་མཚན་ཉིད་གཞན་མ་གསུངས་པའི་ཕྱིར་རོ། །དབྱེ་གཞི་ནི། མ་འཁྲུལ་བའི་ཤེས་པ་ཙམ་མོ། །དབྱེ་བ་ལ། དབང་པོ་དང་། ཡིད་དང། རང་རིག་དང་། རྣལ་འབྱོར་མངོན་སུམ་སྟེ་བཞིའོ། །ཡུལ་གྱི་སྒོ་ནས་དབྱེ་ན། ཡུལ་གཞན་རིག་པ་དོན་རིག་གི་མངོན་སུམ་གཉིས། རང་རིག་པ་རང་རིག་གི་མངོན་སུམ། རང་གཞན་མེད་པར་རིག་པ་རྣལ་འབྱོར་མངོན་སུམ་མོ། །རྟེན་གྱི་སྒོ་ནས་དབྱེ་ན། དབང་པོ་ལ་བརྟེན་པ་དོན་རིག་གཉིས། གཞན་དབང་ཙམ་ལ་བརྟེན་པ་རང་རིག ཏིང་ངེ་འཛིན་ལ་བརྟེན་པ་རྣལ་འབྱོར་མངོན་སུམ་མོ། །གང་ཟག་གི་སྒོ་ནས་དབྱེ་ན། སོ་སྐྱེའི་མངོན་སུམ་དང་། འཕགས་པའི་མངོན་སུམ་གཉིས་སོ། །ཇི་ལྟར་ཕྱེ་བའི་དོན་ནི། མངོན་སུམ་དེ་རྣམས་གཅིག་པ་བཀག་པའི་ཐ་དད་མ་ཡིན་ཏེ། བཞི་ཀ་ཡང་དངོས་པོ་ཡིན་པའི་ཕྱིར། ངོ་བོ་གཅིག་ལ་ལྡོག་པ་ཐ་དད་པ་ཙམ་ཡང་མ་ཡིན་ཏེ། མངོན་སུམ་གཞན་གསུམ་རྫས་ཐ་དད་ཡིན་པའི་ཕྱིར། རྫས་ཐ་དད་ཀྱང་མ་ཡིན་ཏེ། མངོན་སུམ་གཞན་གསུམ་པོ་རང་རིག་མངོན་སུམ་དང་ངོ་བོ་གཅིག་ཡིན་པའི་ཕྱིར། དེས་ན་མངོན་སུམ་གཞན་གསུམ་པོ་རྫས་ཐ་དད་དང་། དེ་གསུམ་རང་རིག་མངོན་སུམ་དང་ངོ་བོ་གཅིག་ལ། ཡུལ་གྱི་སྒོ་ནས་ཐ་དད་པ་ཡིན་ནོ། །ཞེས་ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས་སོ། །
|
མངོན་སུམ་ (5)
| Part of speech
|
མིང་ཚིག
|
| Definition
|
རང་གི་ཡུལ་དོན་སྤྱི་དང་མ་འདྲེས་པའི་སྒོ་ནས་གསལ་བར་སྣང་བ་གང་ཞིག་ལ་རང་ཡུལ་གྱི་ཆ་གང་ལའང་མ་འཁྲུལ་བ་ཞིག་སྟེ། དེ་ལྟར་ཡང་མཁས་གྲུབ་སྦྱིན་པ་དར་རྒྱས་ཀྱིས་མཛད་པའི་དགའ་བྱང་བློ་རིག་གི་རྣམ་གཞག་ལེགས་བཤད་ཀུན་འདུས་ལུང་རིགས་ཀྱི་བང་མཛོད་ལས། རྟོག་པ་དང་བྲལ་ཞིང་མ་འཁྲུལ་པའི་རིག་པ་མངོན་སུམ་གྱི་མཚན་ཉིད། རྟོག་པ་དང་བྲལ་ཞིང་མ་འཁྲུལ་བའི་གསར་དུ་མི་བསླུ་བའི་རིག་པ། མངོན་སུམ་གྱི་ཚད་མའི་མཚན་ཉིད་དུ་མདོ་སྡེ་པས་ཁས་ལེན་ཅིང་། རྟོག་པ་བྲལ་ཞིང་བགས་ཆགས་བརྟེན་འབྱུང་གི་རིག་པ་མངོན་སུམ་གྱི་མཚན་ཉིད་དང་། རྟོག་པ་དང་བྲལ་ཞིང་བག་ཆགས་བརྟེན་འབྱུང་གི་གསར་དུ་མི་བསླུ་བའི་རིག་པ་མངོན་སུམ་གྱི་ཚད་མའི་མཚན་ཉིད་དུ་སེམས་ཙམ་པས་ཁས་ལེན། མངོན་སུམ་གསར་དུ་མི་བསླུ་བའི་རིག་པ་མངོན་སུམ་ཚད་མའི་མཚན་ཉིད་དུ་མདོ་སེམས་གཉིས་ཀས་ཁས་ལེན་པ་ཡིན་ཏེ། ཚད་མ་ཀུན་བཏུས་ལས། མིང་དང་རིགས་སོགས་སྦྱོར་བ་ཡི། །རྟོག་པ་དང་བྲལ་མངོན་སུམ་མོ། །ཞེས་དང་། ཚད་མ་རྣམ་འགྲེལ་ལས། མངོན་སུམ་རྟོག་དང་བྲལ་བ་ནི། །མངོན་སུམ་ཉིད་ཀྱི་འགྲུབ་པར་འགྱུར། །ཞེས་དང། ཚད་མ་རྣམ་ངེས་ལས། མངོན་སུམ་རྟོག་བྲལ་མ་འཁྲུལ་བ། །ཞེས་གསུངས་པའི་ཕྱིར་ཞེས་གསུངས།
|