51870

མངོན་སུམ་གྱིས་དགག་སྒྲུབ་བྱེད་ཚུལ་ (1)

Part of speech	མིང་ཚིག
Definition	མངོན་སུམ་རྟོག་བྲལ་མ་འཁྲུལ་བ། །ཉིད་ཀྱིས་ཚད་མ་གྲུབ་པ་ཡིན། །དེའམ་གཞན་གྱི་སྟོབས་ཉིད་ལས། །ངེས་པའི་དབང་གིས་དགག་སྒྲུབ་བྱེད། །ཅེས་བྱ་བ། བུམ་པ་མངོན་སུམ་གྱིས་མཐོང་བ་ན་ཁ་དོག་དང་མི་རྟག་པ་གཉིས་ཀ་མངོན་སུམ་ལ་སྣང་བས་མངོན་སུམ་སྔོན་པོའི་རྫས་ལ་ཚད་མར་སོང་བ་ན་མི་རྟག་པའི་རྫས་ལའང་ཚད་མར་སོང་བ་དེ་ཉིད་ཡིན་ནོ། །འོོན་ཀྱང་ཁ་དོག་གི་ལྡོག་པ་ལ་འཁྲུལ་པའི་རྒྱུ་མེད་པ་དང་། རྟོགས་པའི་རྐྱེན་གོམས་པ་གསལ་བ་དང་། ཡིད་གཏད་པ་ཡོད་པས་རང་སྟོབས་ཀྱིས་ངེས་པ་འདྲེན་ནུས་ཏེ། མངོན་སུམ་གྱིས་ནི་བཟུང་བ་ལ། །ཁྱད་པར་ཆ་ཤས་རྣམས་སྤངས་པ། །ཁྱད་པར་གང་ལ་རྟོགས་པ་ཡི། །རྐྱེན་ཡོད་དེ་ནི་རྟོགས་པར་འགྱུར། །ཞེས་པ་ལྟར་རོ། །མི་རྟག་པའི་ལྡོག་པ་ལ་འདྲ་བ་གཞན་འབྱུང་བ་ལ་སོགས་པ་འཁྲུལ་པའི་རྒྱུ་མཚན་གྱིས་ཟིན་པས་རང་སྟོབས་ཀྱིས་ངེས་མི་ནུས་པའི་ཕྱིར་གཞན་ལས་ངེས་དགོས་ཏེ། དེ་ཕྱིར་དངོས་པོ་མཐོང་བ་ཡི། །ཡོན་ཏན་མཐའ་དག་མཐོང་བ་ཉིད། །འཁྲུལ་པས་ངེས་པར་མི་བྱེད་པས། །བསྒྲུབ་པ་རབ་ཏུ་འཇུག་པ་ཡིན། །ཞེས་གསུངས་པ་ལྟར་རོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། །
Domain	ཚད་མ།