5195

ཁུ་ནུ་ལ་ (1)

Part of speech

མིང་ཚིག

Definition

ནུབ་ཀསྨིར་ས་མཐོའི་ཤར་ངོས་ནས་བཟུང་ཤིན་ཅང་དང་བོད་དབུས་བརྒྱུད་དེ་མཚོ་སྔོན་དུ་བརྒྱུགས་པའི་རི་བོ་ཞིག་སྟེ། ཆ་སྙོམས་མཐོ་ཚད་རྒྱ་མཚོའི་ངོས་ལས་སྤྱི་ཁྲུ་ལྔ་སྟོང་ལྔ་བརྒྱ་ནས་དྲུག་སྟོང་བར་ཟིན། རི་རྒྱུད་དེའི་བྱང་ངོས་སུ་མཐོ་ཚད་རྒྱ་མཚོའི་ངོས་ལས་སྤྱི་ཁྲུ་ཆིག་སྟོང་ཟིན་པའི་ཤིན་ཅང་ཐ་ལི་མུ་གཤོངས་ས་དང༌། མཐོ་ཚད་རྒྱ་མཚོའི་ངོས་ལས་སྤྱི་ཁྲུ་ཉིས་སྟོང་དྲུག་བརྒྱ་ནས་སུམ་སྟོང་བར་ཟིན་པའི་མཚོ་སྔོན་ཚྭ་འདམ་གཤོངས་ས་གཉིས་གནས་ཤིང༌། རི་རྒྱུད་དེ་ནི་གཤོངས་ས་དེ་གཉིས་ལས་སྤྱིེ་ཁྲུ་སུམ་སྟོང་ནས་ལྔ་སྟོང་ཡན་གྱིས་མཐོ་བས་གནམ་སའི་ཁྱད་པར་ཆོད། རི་རྒྱུད་དེའི་ལྷོ་ངོས་ནི་མཐོ་ཚད་རྒྱ་མཚོའི་ངོས་ལས་སྤྱི་ཁྲུ་ལྔ་སྟོང་ཙམ་ཟིན་པའི་བོད་ཀྱི་བྱང་རྒྱུད་དང་འབྲེལ། བོད་ཁུལ་དུ་ཁུ་ནུ་ལའི་ལྷོ་ངོས་ཀྱི་ཆ་ཤས་ཙམ་ལས་མེད་པ་དེ་ནི་ས་བཀྲའི་ཐོག་གི་གཞུང་ཐིག༨༦ནས༩༢བར་དུ་མངོན་ཆེ་བ་ཡོད། རི་རྒྱུད་དེའི་རི་བོ་མཐོ་ཤོས་ནི་མུ་ཙེ་ཐ་གེ་ཞེས་པ་མཐོ་ཚད་རྒྱ་མཚོའི་ངོས་ལས་སྤྱི་ཁྲུ་དྲུག་སྟོང་དགུ་བརྒྱ་བདུན་ཅུ་དོན་གསུམ་ཡོད་ཅིང༌། རི་རྒྱུད་དེ་ས་མཐོའི་ཐོག་བྱུང་སྔ་ཤོས་ཤིག་ཡིན།