52792

མཐར་ཐུག་ཐེག་པ་གཅིག་དང་ཐ་དད་ (1)

Part of speech	མིང་ཚིག
Definition	འོ་ན་མཐར་ཐུག་ཐེག་པ་གསུམ་ཡིན་ནམ་གཅིག་ཡིན་ཞེ་ན། ཉན་ཐོས་སྡེ་པས། ཉན་ཐོས་རིགས་མ་ངེས་པ་བཟོད་འབྲིང་མན་ཆད་དུ་རང་རྒྱལ་དུ་འགྱུར་བ་སྲིད། རྩེ་མོ་མན་ཆད་དུ་ཐེག་ཆེན་དུ་འགྱུར་པ་སྲིད་ཀྱང་། བཟོད་པ་ཐོབ་ནས་ཐེག་ཆེན་དུ་འགྱུར་མི་སྲིད་དེ། ཐེག་ཆེན་དུ་འགྱུར་བ་ལ་གཞན་དོན་དུ་ངན་སོང་དུ་སྐྱེ་བ་ལེན་དགོས་ཤིང་། བཟོད་པ་ཐོབ་ནས་ངན་སོང་དུ་སྐྱེ་མི་སྲིད་པའི་ཕྱིར། ཞེས་འདོད། སེམས་ཙམ་པས་ནི། ལྷག་བཅས་ཀྱི་མྱང་འདས་མན་ཆོད་དུ་ཉན་ཐོས་རིགས་མ་ངེས་པ་ཐེག་ཆེན་དུ་འགྱུར་བ་སྲིད་པར་འདོད་ཀྱང་དེ་ཐམས་ཅད་ཀྱིས་ལྷག་མེད་ཐོབ་ནས་འདུས་བྱས་ཀྱི་འཇུག་པ་རྒྱུན་ཆད་པས་ཐེག་ཆེན་དུ་འཇུག་པ་མི་སྲིད་པར་འདོད་དོ། །དེས་ན་མཐར་ཐུག་ཐེག་པ་གསུམ་ཡིན་ལ་གཅིག་ཏུ་གསུང་པ་ནི་དྲང་བའི་དོན་ནོ་ཞེས་འདོད། །དབུ་མ་པས་ནི། མཐར་ཐུག་ཐེག་པ་གཅིག་ཡིན་ཏེ། ཉན་རང་གི་ལྷག་མེད་ཀྱི་མྱང་འདས་ཀྱི་སྐབས་སུ་ཡང་སེམས་སེམས་བྱུང་རགས་པ་འགགས་པ་ཙམ་ཡིན་གྱི་ཕྲ་བ་མ་འགག་པར་ཡོད་པས་ནམ་ཞིག་དེ་བཞིན་གཤེགས་པའི་སྨིན་མཚམས་ནས་བྱུང་བའི་འོད་ཟེར་གྱིས་བསླངས་ནས་མ་རིག་བག་ཆགས་ཀྱི་ས་དང་ཟག་མེད་ཀྱི་ཡིད་ཀྱི་ལས་ཀྱིས་ཡིད་ཀྱི་རང་བཞིན་གྱི་ཕུང་པོ་དང་། བསམ་གྱིས་མི་ཁྱབ་པར་བསྒྱུར་བའི་འཆི་འཕོ་བའི་སྒོ་ནས་བསྐལ་པ་གྲངས་མེད་གསུམ་དུ་ཚོགས་བསགས་ནས་སངས་རྒྱ་བར་བཞེད་དོ། །ཞེས་ཀུན་མཁྱེན་གོ་རམས་པའི་ངོ་མཚར་གསུམ་ལྡན་ལས་སོ། །
Domain	ཆོས་ལུགས།