52968

མཐུན་ཕྱོགས་ཀྱི་མཐུན་ཡུལ་ (1)

Part of speech	མིང་ཚིག
Definition	མཐུན་ཡུལ་ཕྱོགས་ཀྱང་བཏགས་པ་ཡི། །གཞན་སེལ་ཉིད་ཡིན་གཉིས་པོ་མིན། །ཞེས་བྱ་བ། མཐུན་ཡུལ་ཕྱོགས་དེ་བཏགས་པ་བ་ཤེས་འདོད་དང་མཐུན་པ་ཡིན་ནམ། མཚན་ཉིད་པ་ཚོགས་དོན་དང་མཐུན་པའམ། གཉི་གའི་སྒྲ་དོན་དང་མཐུན་པ་ལ་ཟེར་ཞེ་ན། རང་མཚན་དང་སྒྲ་དོན་སོ་སོར་ལན་འདེབས་པ་ནི་རྟོག་གེའི་གསང་ཚིག་གི་གནད་གཞན་སེལ་གྱི་འཇུག་པ་མ་ཤེས་པར་ཟད་ལ། འོན་ཀྱང་ཚོགས་དོན་དང་མཐུན་པ་མཐུན་ཕྱོགས་ཡིན་ན་ལ་མེ་ལྡན་དང་མཐུན་ཞེས་བརྗོད་ན་ནི་ཆོས་ཀྱི་ཁྱད་པར་དུ་བྱས་པའི་ཤེས་འདོད་མཐུན་ཡུལ་དུ་སོང་གི ཚོགས་དོན་མཐུན་ཡུལ་དུ་མ་སོང་སྟེ། དཔེར་ན་དབྱུག་པ་ཅན་དང་མཐུན་ཞེས་བརྗོད་ན་ཁྱད་པར་བྱས་ཆོས་སྐྱེས་བུ་མཐུན་ཡུལ་དུ་འགྲོ་བ་བཞིན་ནོ། །ཡང་ལ་མེ་ལྡན་དང་མཐུན་ཇི་ལྟར་མཐུན་ན་དུ་བའི་རྒྱུ་ཚོགས་པ་ལ་སོགས་ཆོས་གཞན་དང་མཐུན་ཞེས་ཟེར་དགོས་པས་སྐབས་ཀྱི་བསྒྲུབ་བྱའི་ཆོས་དང་ལྡན་པ་མི་འགྲུབ་བོ། །དེས་ན་རང་གི་ལུགས་ནི་ཕྱོགས་བཏགས་པ་བའི་སེལ་བ་ཉིད་ཡིན་ནོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། །
Domain	ཚད་མ།